ભારતીય ક્રિકેટ ટીમના ભૂતપૂર્વ ક્રિકેટર અને વર્તમાન રાજ્યસભાના સાંસદ હરભજન સિંહે તાજેતરમાં જ પોતાની આગામી ફિલ્મની જાહેરાત કરી છે. આને આ સાથે તે ફરીથી મોટા પડદા પર ધમાકો કરવા જઈ રહ્યો છે. તેણે તાજેતરમાં જ તેની આગામી ફિલ્મનું પોસ્ટર શેર કરીને તેના ચાહકોને તેની જાણકારી આપી હતી. જેના કારણે તેના ચાહકોમાં ખુશીની લહેર ફેલાઈ ગઈ છે. ભૂતપૂર્વ ઓફ સ્પિનર અને કોમેન્ટેટર ફરી એકવાર તેના ચાહકોને આનંદની તક આપી છે. પંજાબનો ૪૪ વર્ષીય હરભજન ફરી એકવાર મોટા પડદા પર જાવા મળવાનો છે.
હરભજન સિંહે સોશિયલ મીડિયા પર ફિલ્મનું પોસ્ટર શેર કર્યું અને લખ્યું, ‘દિગ્દર્શક જ્હોન અને તેમની ટીમ સાથે ફરી એકવાર કામ કરવા માટે ઉત્સાહિત, આ ફિલ્મ દરેક માટે એક શાનદાર મનોરંજન હશે, તૈયાર થઈ જાઓ’. તમને જણાવી દઈએ કે આ ફિલ્મનું નામ સેવિયર છે અને આ ફિલ્મમાં હરભજન એક ડોક્ટરની ભૂમિકામાં જાવા મળશે. આ ફિલ્મમાં તેનું નામ ડા.જેમ્સ મલ્હોત્રા છે. જાકે આ ફિલ્મ ક્યારે રિલીઝ થશે તે અંગે કોઈ વધુ માહિતી જાહેર કરવામાં આવી નથી, પરંતુ ટૂંક સમયમાં અપડેટની અપેક્ષા છે.
હરભજન સિંહની અભિનય કારકિર્દીઃ ભૂતપૂર્વ ભારતીય ક્રિકેટર હરભજન સિંહ ડોમેસ્ટિક ટી ૨૦ લીગમાં ચેન્નાઈ તરફથી રમતી વખતે તમિલ પ્રેક્ષકોમાં પ્રિય સ્ટાર બની ગયો હતો. હરભજન સિંહે ઘણી તમિલ કવિતાઓ પણ લખી હતી. આ પછી હરભજન સિંહને તમિલ ફિલ્મોમાં કામ કરવાની ઓફર મળી અને તેણે પોતાના અભિનયથી કોલીવુડના દર્શકોના દિલ જીતી લીધા. આ ફિલ્મ તેના તમિલ ચાહકો માટે એક ભેટ છે તમને જણાવી દઈએ કે આ એક સાયકો થ્રિલર ફિલ્મ છે.
હરભજન સિંહે હિન્દી ફિલ્મોમાં કેટલીક વિશેષ ભૂમિકાઓ સાથે અભિનયમાં તેની કારકિર્દીની શરૂઆત કરી હતી. આ પછી હરભજન સિંહે તમિલ ફિલ્મ ‘ફ્રેન્ડશિપ’માં મુખ્ય ભૂમિકા ભજવી હતી. જેનું નિર્દેશન જ્હોન પોલ રાજ અને શામ સૂર્યાએ કર્યું હતું. તમિલ ફિલ્મ ‘ડિક્કીલોના’માં પણ હરભજન સિંહે ખાસ ભૂમિકા ભજવી હતી. જેમાં સંથાનમ લીડ રોલમાં હતી.
હરભજન સિંહે ભારત માટે ૨૩૬ વનડે, ૧૦૩ ટેસ્ટ અને ૨૮ ટી ૨૦ મેચ રમી છે. તેને ટર્બનેટર તરીકે પણ ઓળખવામાં આવે છે. તેણે ટેસ્ટ ક્રિકેટમાં ૪૧૭ વિકેટ લીધી છે. આ સિવાય તેણે વનડેમાં ૨૬૯ વિકેટ લીધી છે. ભજ્જીએ ટી ૨૦માં ૨૫ વિકેટ પણ પોતાના નામે કરી છે. ટેસ્ટમાં તેના નામે ૨ સદી છે. તેણે બેટ વડે ૩૦૦૦ થી વધુ રન પણ બનાવ્યા છે.
