સ્વતંત્રતા દિવસ નિમિત્તે, કલ્યાણ ડોંબિવલી મ્યુનિસિપલ કોર્પોરેશનએ માંસ અને માછલીની દુકાનો બંધ રાખવાનો આદેશ આપ્યો છે.કેડીએમસીના આ આદેશથી વિવાદ સર્જાયો છે. વિપક્ષે આ નિર્ણયનો સખત વિરોધ કર્યો છે અને તેને લોકોના ખાદ્ય વિકલ્પોનું ઉલ્લંઘન ગણાવ્યું છે.
ખરેખર, કલ્યાણ ડોંબિવલી મ્યુનિસિપલ કોર્પોરેશને સ્વતંત્રતા દિવસ નિમિત્તે ૧૪ ઓગસ્ટની મધ્યરાત્રિથી ૧૫ ઓગસ્ટની મધ્યરાત્રિ સુધી તમામ લાઇસન્સ પ્રાપ્ત માંસની દુકાનો ૨૪ કલાક માટે બંધ રાખવાનો આદેશ જારી કર્યો છે. મ્યુનિસિપલ કોર્પોરેશને ચેતવણી આપી છે કે જો આ સમયગાળા દરમિયાન કોઈ પ્રાણીનું મૃત્યુ થશે અથવા માંસ વેચાશે તો મહારાષ્ટ્ર મ્યુનિસિપલ કોર્પોરેશન એક્ટ, ૧૯૪૯ હેઠળ કાર્યવાહી કરવામાં આવશે.
કલ્યાણ ડોંબિવલી મ્યુનિસિપલ કોર્પોરેશનના ડેપ્યુટી કમિશનર કંચન ગાયકવાડે જણાવ્યું હતું કે આ ૧૯૮૮ થી ચાલી રહેલ નાગરિક પ્રસ્તાવ છે, જે દર વર્ષે લાગુ કરવામાં આવે છે. તેમણે કહ્યું કે તેનો હેતુ રાષ્ટ્રીય તહેવાર પર જાહેર વ્યવસ્થા જાળવવાનો છે.
આ નિર્ણયના વિરોધમાં એનસીપી એસપીના ધારાસભ્ય જિતેન્દ્ર આવ્હાડે ૧૫ ઓગસ્ટે મટન પાર્ટીનું આયોજન કરવાની જાહેરાત કરી છે. તેમણે કહ્યું કે જે દિવસે આપણને આઝાદી મળી, તમે ખાવાની સ્વતંત્રતા છીનવી રહ્યા છો. તેમણે x પર પોસ્ટ કરીને પૂછ્યું, “લોકો શું ખાશે તે નક્કી કરનારા તમે કોણ છો?”
શિવસેના (યુબીટી) ના ધારાસભ્ય આદિત્ય ઠાકરેએ દ્ભડ્ઢસ્ઝ્ર કમિશનરને સસ્પેન્ડ કરવાની માંગ કરી. તેમણે પૂછ્યું કે લોકોને માંસાહારી ખોરાક ખાઈ શકે છે કે નહીં તે કહેવાવાળા કમિશનર કોણ છે? એનસીપી એસપીના નેતા સુરેશ મ્હાત્રેએ પણ તેનો વિરોધ કર્યો અને કહ્યું કે શું ખાવું તે લોકોની પોતાની પસંદગી છે.
આ દરમિયાન, શાસક શિવસેનાના ધારાસભ્ય વિશ્વનાથ ભોઇરે મ્યુનિસિપલ કોર્પોરેશનના પગલાનો બચાવ કર્યો. તેમણે કહ્યું કે લોકો આ નિર્ણયનો વિરોધ નથી કરી રહ્યા. જો કોઈ એક દિવસ માટે માંસ ન ખાય તો તેમાં શું વાંધો છે?તેમણે કહ્યું કે વિપક્ષ ફક્ત ટીકા કરવાનું જાણે છે.
