ભારતીય ટીમના યુવા બેટ્સમેન તિલક વર્માએ કાઉન્ટી ચેમ્પિયનશિપ ક્લબ હેમ્પશાયર સાથે કરાર કર્યો છે, જેના હેઠળ તે જૂન અને જુલાઈમાં આ ક્લબ માટે ચાર કાઉન્ટી ચેમ્પિયનશિપ મેચ રમશે. ૨૨ વર્ષીય તિલક વિસ્ફોટક બેટિંગ કરે છે અને મુંબઈ ઇન્ડીયન્સ માટે રમતી વખતે પ્રભાવિત કર્યો છે. હેમ્પશાયરના ભારતીય બેટ્સમેનના જાડાવાથી તેમના બેટિંગ આક્રમણને મજબૂતી મળશે. બાકીનો સમય -૭ઃ૦૬
અહેવાલ મુજબ,બીસીસીઆઇ અને હૈદરાબાદ ક્રિકેટ એસોસિએશને તેમને એનઓસી આપ્યું છે. તે ૧૮ જૂનથી ૨ ઓગસ્ટ સુધી ઇંગ્લિશ કાઉન્ટીમાં રમશે. હૈદરાબાદ ક્રિકેટ એસોસિએશને તિલકને કાઉન્ટી ચેમ્પિયનશિપમાં શાનદાર કાર્યકાળ માટે શુભેચ્છા પાઠવી છે. તે જ સમયે, તિલક ટી ૨૦ બ્લાસ્ટ લીગમાં રમવા માટે લાયક રહેશે નહીં, કારણ કે બીસીસીઆઇ ભારતીય ખેલાડીઓને વિદેશી લીગમાં રમવાની મંજૂરી આપતું નથી.
તિલક વર્માએ વર્ષ ૨૦૨૩ માં ભારતીય ટીમ માટે ડેબ્યૂ કર્યું હતું. અત્યાર સુધીમાં તેણે ટીમ ઇન્ડીયા માટે ૪ વનડેમાં કુલ ૬૮ રન અને ૨૫ ટી ૨૦ આંતરરાષ્ટ્રીય મેચોમાં ૭૪૯ રન બનાવ્યા છે. તેણે ટી ૨૦ ક્રિકેટમાં બે સદી અને ત્રણ અડધી સદી પણ ફટકારી છે. દક્ષિણ આફ્રિકા પ્રવાસ પર તેણે મજબૂત રમત બતાવી.
આ ઉપરાંત, તિલક વર્માએ ૧૮ ફર્સ્ટ ક્લાસ મેચોમાં ૧૨૦૪ રન બનાવ્યા છે. તે જ સમયે, તેમણે ૩૬ લિસ્ટ-એ મેચોમાં ૧૪૯૫ રન બનાવ્યા છે. આ ઉપરાંત, તેઓ મધ્યમ ઓવરોમાં પણ બોલિંગ કરી શકે છે. તિલક ઇન્ડીયા-એ તરફથી રમતી વખતે ન્યુઝીલેન્ડ-એ સામે સદી ફટકારી હતી.
તિલક વર્મા ઉપરાંત, રુતુરાજ ગાયકવાડ યોર્કશાયર ટીમ તરફથી રમશે. તે જ સમયે, સ્ટાર સ્પિનર યુઝવેન્દ્ર ચહલ આ મહિનાના અંતમાં નોર્થમ્પ્ટનશાયરમાં જાડાશે. ગાયકવાડ અને ચહલ હાલમાં ભારતીય ટીમની બહાર છે. આવી સ્થિતિમાં, આ ખેલાડીઓની નજર ઇંગ્લેન્ડની ધરતી પર રમવા પર રહેશે.
