સૌરાષ્ટ્ર યુનિવર્સિટી, રાજકોટ દ્વારા આયોજિત વાર્ષિક યુવક મહોત્સવ ‘સિંદૂરોત્સવ’માં મોંઘીબા મહિલા આટ્ર્સ કોલેજની વિદ્યાર્થિનીઓએ
ઉત્કૃષ્ટ પ્રદર્શન કર્યું છે. આ મહોત્સવમાં કોલેજની અનેક વિદ્યાર્થિનીઓએ વિવિધ સ્પર્ધાઓમાં ઉત્સાહભેર ભાગ લીધો હતો.જેમાં મુખ્ય સિદ્ધિ તરીકે, ‘કોલાજ’ સ્પર્ધામાં કુલ ૨૫ સ્પર્ધકોની વચ્ચે મોંઘીબા કોલેજની વિદ્યાર્થિની મહેતા નિરાલી જીતેન્દ્રભાઈએ તૃતીય ક્રમાંક પ્રાપ્ત કરી કોલેજ અને સંસ્થાને ગૌરવ અપાવ્યું છે.
વિદ્યાર્થિનીની આ વિશેષ સિદ્ધિ બદલ કોલેજના પ્રિન્સિપાલ પ્રો. ડા. જી.વી. વેલિયત, ટ્રસ્ટીગણ તથા સમગ્ર કોલેજ પરિવારે મહેતા નિરાલીને હૃદયપૂર્વક અભિનંદન પાઠવ્યા હતા અને તેમના ઉજ્જવળ ભવિષ્યની શુભકામનાઓ વ્યક્ત કરી હતી.
