અઠવાડિયાના પહેલા ટ્રેડિંગ દિવસે સ્થાનિક શેરબજાર મજબૂત વધારા સાથે બંધ થયું. બીએસઈ સેન્સેક્સ ૫૮૨.૯૫ પોઈન્ટના તીવ્ર વધારા પછી અંતે ૮૧,૭૯૦.૧૨ પર બંધ થયો. તેવી જ રીતે, એનએસઈ નિફ્ટી પણ ૧૮૩.૪ પોઈન્ટના વધારા સાથે ૨૫,૦૭૭.૬૫ પર બંધ થયો. બેંક શેરોમાં મજબૂત ખરીદી અને સકારાત્મક વૈશ્વિક સંકેતોને કારણે બજારમાં તેજી જાવા મળી. નિફ્ટીમાં સૌથી વધુ તેજી મેક્સ હેલ્થકેર, શ્રીરામ ફાઇનાન્સ, એપોલો હોÂસ્પટલ્સ, ટીસીએસ, ટેક મહિન્દ્રા, જ્યારે ટાટા સ્ટીલ, અદાણી પોર્ટ્સ, પાવર ગ્રીડ કોર્પ, આઈટીસી અને એનટીપીસીમાં જાવા મળી.ક્ષેત્રોમાં,આઇટી ઇન્ડેક્સ ૨ ટકા, હેલ્થકેર ઇન્ડેક્સ ૧ ટકા, ખાનગી બેંક ઇન્ડેક્સ ૧.૨ ટકા, તેલ અને ગેસ ઇન્ડેક્સ ૦.૭ ટકા અને પીએસયુ બેંક ઇન્ડેક્સ ૦.૪ ટકા વધ્યો. મેટલ્સ, મીડિયા અને એફએમસીજી ૦.૩-૦.૯ ટકા ઘટ્યા. વધુમાં,બીએસઇ મિડકેપ ઇન્ડેક્સ ૦.૭ ટકા વધ્યો, જ્યારે સ્મોલકેપ ઇન્ડેક્સ થોડા ઘટાડા સાથે બંધ થયો.રોકાણકારો દ્વારા મૂલ્ય ખરીદીને કારણે, સોમવારે નિફ્ટીએ ૨૫,૦૦૦ ના સ્તરને પાછું મેળવ્યું, છેલ્લા ત્રણ ટ્રેડિંગ સત્રોમાં ૪૬૬ પોઈન્ટ (૧.૮૯%) નો વધારો થયો. સેન્સેક્સના મુખ્ય શેરોમાં, ટાટા કન્સલ્ટન્સી સર્વિસીસ, ટેક મહિન્દ્રા, એક્સીસબેંક, બજાજ ફાઇનાન્સ, ઇન્ફોસિસ, કોટક મહિન્દ્રા બેંક, બજાજ ફિનસર્વ અને એટરનલમાં મજબૂત વધારો જાવા મળ્યો. જાકે, ટાટા સ્ટીલ, અદાણી પોર્ટ્સ, પાવર ગ્રીડ અને ટાઇટન જેવા શેરોમાં ઘટાડો રહ્યો.જિયોજિત ઇન્વેસ્ટમેન્ટ્સના રિસર્ચ હેડ વિનોદ નાયરે જણાવ્યું હતું કે સ્થાનિક શેરબજારમાં સતત ત્રીજા દિવસે મજબૂતી જાવા મળી. આ વધારામાં નાણાકીય સેવાઓ અને માહિતી ટેકનોલોજી ક્ષેત્રોએ મુખ્ય ભૂમિકા ભજવી હતી. મજબૂત બેંકિંગ અપડેટ્સ અને આકર્ષક મૂલ્યાંકનને કારણે રોકાણકારોએ બીજા ક્વાર્ટરના પરિણામો પહેલા ભારે ખરીદી કરી હતી.
