સુપ્રીમ કોર્ટે ૪ ઓગસ્ટના તેના આદેશમાંથી બે ફકરા દૂર કર્યા છે, જેમાં તેણે અલ્હાબાદ હાઇકોર્ટના મુખ્ય ન્યાયાધીશને અલ્હાબાદ હાઇકોર્ટના ન્યાયાધીશ જસ્ટિસ પ્રશાંત કુમારને તેમની નિવૃત્તિ સુધી ફોજદારી રોસ્ટરમાંથી દૂર કરવાનો નિર્દેશ આપ્યો હતો (એટલે કે હાઇકોર્ટના ન્યાયાધીશ ફોજદારી કેસ સંભાળશે નહીં) કારણ કે તેમણે ટિપ્પણી કરી હતી કે નાણાં વસૂલાત વિવાદોમાં ફોજદારી કાર્યવાહીને વિકલ્પ તરીકે લઈ શકાય છે.
અગાઉ, અલ્હાબાદ હાઈકોર્ટના ૧૩ વર્તમાન ન્યાયાધીશોએ હાઈકોર્ટના મુખ્ય ન્યાયાધીશને પત્ર લખીને સુપ્રીમ કોર્ટના ૪ ઓગસ્ટના આદેશનો અમલ ન કરવા અપીલ કરી હતી. આ એ જ આદેશ છે જેના હેઠળ એક ન્યાયાધીશનો ફોજદારી કેસોની સુનાવણીનો અધિકાર છીનવી લેવામાં આવ્યો હતો.
હાઈકોર્ટના તમામ ૧૩ ન્યાયાધીશોએ હાઈકોર્ટની પૂર્ણ અદાલતની બેઠક બોલાવવાની માંગ કરી છે. સુપ્રીમ કોર્ટના નિર્દેશોનો અમલ કરવો જરૂરી છે કે નહીં તે અંગે ચર્ચા થવી જાઈએ. ન્યાયાધીશો માને છે કે આ આદેશ બંધારણીય મૂલ્યો અને હાઈકોર્ટની સ્વતંત્રતા સાથે સંબંધિત મામલો છે.
૪ ઓગસ્ટના રોજ સુપ્રીમ કોર્ટે હાઈકોર્ટના ન્યાયાધીશની કામગીરી પર નારાજગી વ્યક્ત કરી હતી. ફોજદારી કેસમાં જામીન આપવાની રીત પર પ્રશ્નો ઉઠાવવામાં આવ્યા હતા. આના થોડા દિવસ પહેલા, સુપ્રીમ કોર્ટે સિવિલ કેસમાં ફોજદારી કાર્યવાહીને મંજૂરી આપવા બદલ અલ્હાબાદ હાઈકોર્ટના ન્યાયાધીશ પ્રત્યે નારાજગી વ્યક્ત કરી હતી.
૪ ઓગસ્ટના રોજ એક અભૂતપૂર્વ આદેશમાં, ન્યાયાધીશ જે.બી. પારડીવાલા અને ન્યાયાધીશ આર. મહાદેવનની બેન્ચે અલ્હાબાદ હાઇકોર્ટના એક ન્યાયાધીશને ફોજદારી કેસ ન સોંપવાનો નિર્દેશ આપ્યો હતો, કારણ કે તેમણે “ભૂલથી” સિવિલ વિવાદમાં ફોજદારી પ્રકૃતિના સમન્સને સમર્થન આપ્યું હતું. આ જ બેન્ચે બીજા એક કેસમાં હાઇકોર્ટના નિર્ણય પર કડક પ્રતિક્રિયા આપી હતી. બેન્ચે કહ્યું, “અલહાબાદ હાઇકોર્ટનો બીજા એક આદેશ છે જેનાથી અમે નિરાશ છીએ.
જસ્ટિસ પારડીવાલાએ ૬ ઓગસ્ટના આદેશમાં કહ્યું, “પહેલા વિષયવસ્તુ જાવી ખૂબ જ મહત્વપૂર્ણ છે. તે પછી કોર્ટે સંબંધિત મુદ્દાને જાવો જાઈએ. અંતે, કોર્ટે વાદીની દલીલ જાવી જાઈએ અને પછી કાયદાના સાચા સિદ્ધાંતો લાગુ કરવા જાઈએ.” કોર્ટે કહ્યું કે હાઇકોર્ટનો આદેશ કાયદેસર રીતે ખામીયુક્ત છે અને સ્થાપિત ન્યાયશાસ્ત્રનો અનાદર દર્શાવે છે.
