મેરઠમાં બુલડોઝર કાર્યરત રહ્યા. સેન્ટ્રલ માર્કેટના ૬૬૧/૬ ખાતે ગેરકાયદેસર સંકુલ તોડી પાડવામાં આવ્યું. સેન્ટ્રલ માર્કેટના ૬૬૧/૬ ખાતે ગેરકાયદેસર સંકુલનો માત્ર ૧૦% ભાગ બાકી છે. આ બાકીનો વિસ્તાર આસપાસના ઘરો અને દુકાનો સાથે જાડાયેલ છે.કોઈને નુકસાન ન થાય તે માટે, તોડી પાડવાનું કામ અટકાવી દેવામાં આવ્યું છે. સ્થાનિક વહીવટીતંત્રની એક ટીમ સ્થળ પર હાજર છે. એવું માનવામાં આવે છે કે બાકીનો ભાગ મેન્યુઅલી તોડી પાડવામાં આવશે.ઉત્તર પ્રદેશ હાઉસિંગ ડેવલપમેન્ટ બોર્ડ સુપ્રીમ કોર્ટના આદેશનું પાલન કરીને આ કાર્યવાહી કરી રહ્યું છે. શનિવારે, ઉત્તર પ્રદેશ હાઉસિંગ એન્ડ ડેવલપમેન્ટ બોર્ડે રહેણાંક પ્લોટ પર બનેલા ગેરકાયદેસર વાણિજ્યિક સંકુલને તોડી પાડ્યું. આ ઇમારત મેરઠના શાસ્ત્રીનગરમાં સેન્ટ્રલ માર્કેટમાં આવેલી હતી.૧૭ ડિસેમ્બર, ૨૦૨૪ ના રોજના એક આદેશમાં, સુપ્રીમ કોર્ટે જણાવ્યું હતું કે અનધિકૃત બાંધકામને ફક્ત વહીવટી વિલંબ, ખર્ચાયેલા સમય અથવા નાણાકીય રોકાણના આધારે કાયદેસર બનાવી શકાતું નથી અને ગેરકાયદેસર બાંધકામને રોકવા માટે અનેક નિર્દેશો જારી કર્યા હતા.ન્યાયાધીશ જે.બી. પારડીવાલા અને આર. મહાદેવનની બેન્ચે જણાવ્યું હતું કે બાંધકામ પછીના ઉલ્લંઘનો માટે પણ તાત્કાલિક સુધારાત્મક પગલાં લેવા જાઈએ, જેમાં ગેરકાયદેસર ભાગ તોડી પાડવા અને ભૂલ કરનારા અધિકારીઓ પર દંડ લાદવાનો સમાવેશ થાય છે.બેન્ચે મેરઠના શાસ્ત્રી નગરમાં રહેણાંક પ્લોટ પર અનધિકૃત વાણિજ્યિક બાંધકામ તોડી પાડવાના નિર્ણયને પણ સમર્થન આપ્યું અને શહેરી આયોજન કાયદાઓને કડક રીતે લાગુ કરવાની અને અધિકારીઓની જવાબદારી સુનિશ્ચિત કરવાની જરૂરિયાત પર ભાર મૂક્યો.
