સીપીએમના મહાસચિવ સીતારામ યેચુરીના નિધનથી સીપીઆઈ(એમ)ને મોટો આંચકો લાગ્યો છે. સીતારામ યેચુરી ન માત્ર પાર્ટીનું નેતૃત્વ કરી રહ્યા હતા પરંતુ રાષ્ટ્રીય સ્તરે પાર્ટીનો ચહેરો પણ હતા, પરંતુ તેમના નિધન બાદ પાર્ટીએ રાષ્ટ્રીય સ્તરનો એક નેતા ગુમાવ્યો છે. તેમના નિધન બાદ પાર્ટીમાં સવાલ ઉઠી રહ્યો છે કે સીતારામ યેચુરીના સ્થાને પાર્ટીની કમાન કોણ સંભાળશે? સીપીઆઈ(એમ)ના સૂત્રોના જણાવ્યા મુજબ, હાલમાં સીપીઆઈ(એમ) પોલિટબ્યુરોના બાકીના સભ્યો પાર્ટીની નીતિ નક્કી કરશે અને સીપીઆઈ(એમ) મહાસચિવની જગ્યાએ નિર્ણય લેશે.
સીપીઆઈ(એમ) પોલિટબ્યુરો અને સેન્ટ્રલ કમિટીની બેઠક સપ્ટેમ્બરના અંતમાં યોજાવા જઈ રહી છે.સીપીઆઇ એમની સેન્ટ્રલ કમિટીની બેઠકમાં પાર્ટીના કાર્યકારી મહાસચિવની નિમણૂક કરવામાં આવશે. કાર્યવાહક મહાસચિવ એપ્રિલ સુધી પાર્ટીનો હવાલો સંભાળશે. પાર્ટીના સૂત્રોના જણાવ્યા અનુસાર સીપીએમ પોલિટબ્યુરો અને સેન્ટ્રલ કમિટીની બેઠક ૨૭ અને ૨૮ સપ્ટેમ્બરના રોજ પ્રસ્તાવિત છે. તે બેઠકમાં પાર્ટીના કાર્યકારી મહાસચિવનું નામ નક્કી કરવામાં આવશે.
તમને જણાવી દઈએ કે સીપીઆઈ(એમ)ના મહાસચિવ સીતારામ યેચુરીએ પોતે સપ્ટેમ્બરના અંતમાં પાર્ટીની સેન્ટ્રલ કમિટી અને પોલિટ બ્યુરોની બેઠક બોલાવી હતી, પરંતુ તે બેઠક પહેલા જ તેમનું અવસાન થયું હતું. હવે પાર્ટી તે બેઠકમાં તેમના અનુગામીનું નામ નક્કી કરશે. કાર્યકારી મહાસચિવનું નામ નક્કી કરવામાં આવશે અને તેમની નિમણૂક પાર્ટીની બેઠકમાં જ કરવામાં આવશે.
સીપીઆઇ એમની પાર્ટી કોંગ્રેસની એક બેઠક આવતા વર્ષે એપ્રિલમાં મદુરાઈમાં પ્રસ્તાવિત છે. આ બેઠકમાં આગામી ત્રણ વર્ષ માટે પાર્ટીના નવા મહાસચિવનું નામ નક્કી કરવામાં આવશે. મહાસચિવનું નામ બે તૃતિયાંશ બહુમતીથી નક્કી કરવામાં આવશે. સીતારામ યેચુરીનો કાર્યકાળ આવતા વર્ષે એપ્રિલમાં પૂરો થઈ રહ્યો હતો.સીપીઆઈ(એમ)ના બંધારણના નિયમો અનુસાર,સીપીઆઈ(એમ)માં કોઈ પણ વ્યકતી ત્રણ વખતથી વધુ સમય માટે મહાસચિવ પદ પર રહી શકે નહીં. આવી સ્થીતિમાં પાર્ટીના બંધારણમાં સુધારો કરીને યેચુરીને ફરીથી મહાસચિવ
આભાર – નિહારીકા રવિયા બનાવવા જાઈએ કે કેમ તે અંગે ચર્ચા ચાલી રહી હતી, પરંતુ તે પહેલા સીતારામ યેચુરીનું નિધન થઈ ગયું.
દરમિયાન, સીપીઆઈ(એમ)માં સીતારામ યેચુરીના સ્થાને કોને કાર્યકારી મહાસચિવ બનાવવો જાઈએ? આ અંગે ચર્ચા શરૂ થઈ છે. સીપીઆઈ(એમ) બંગાળ યુનિટના સેક્રેટરી અને પૂર્વ સાંસદ મોહમ્મદ સલીમનું નામ કાર્યકારી મહાસચિવ તરીકે ચર્ચાઈ રહ્યું છે. મોહમ્મદ સલીમ પાસે સંસ્થાકીય તેમજ વહીવટી અનુભવ છે. મોહમ્મદ સલીમ પોલિટબ્યુરો તેમજ સીપીઆઈ(એમ)ની સેન્ટ્રલ કમિટીના સભ્ય છે.
તેમણે સાંસદ તરીકે રાષ્ટ્રીય સ્તરની રાજનીતિ કરી છે અને બંગાળી, હિન્દી અને અંગ્રેજી ભાષાઓમાં સમાન રીતે નિપુણ માનવામાં આવે છે. સીપીઆઈ(એમ) બંગાળના રાજ્ય સચિવ તરીકે, તેમણે પાર્ટી સંગઠનને મજબૂત બનાવ્યું છે. આવી સ્થીતિમાં સીપીઆઈ(એમ)નો એક વર્ગ મોહમ્મદ સલીમ પાર્ટીની કમાન સંભાળવા ઈચ્છે છે.તે જ સમયે, મોહમ્મદ સલીમના નજીકના નેતાઓનું કહેવું છે કે તે અત્યારે દિલ્હી જવાના પક્ષમાં નથી, કારણ કે તેણે બંગાળમાં પાર્ટી સંગઠનને મજબૂત કરવા માટે પગલાં લીધાં છે. યુવાનોને પ્રાધાન્ય આપવામાં આવ્યું છે અને તેમને નવી જવાબદારીઓ સોંપવામાં આવી છે. આવી સ્થીતિમાં જા તેઓ દિલ્હી જશે તો બંગાળમાં પાર્ટી સંગઠનને નુકસાન થઈ શકે છે.સીતારામ યેચુરી પછી કોણ સીપીઆઈ(એમ) લેશે તેનો નિર્ણય સપ્ટેમ્બરના અંતમાં લેવાશે
