દિલ્હીમાં ૧૨ હજારથી વધુ વર્ગખંડોના બાંધકામમાં ૨૦૦૦ કરોડ રૂપિયાના કૌભાંડના મૂળ સુધી એસીબી પહોંચશે. આ માટે, વર્ગખંડોના બાંધકામનો ખર્ચ નક્કી કરવામાં આવશે.
આ મામલે,એસીબીએ ચીફ ટેકનિકલ એક્ઝામિનરને પત્ર લખીને એન્જીનિયર પૂરો પાડવા જણાવ્યું છે. આ લોકો બાંધકામ ખર્ચનો અંદાજ કાઢશે. ટેકનિકલ તપાસ કર્યા પછી અમે જણાવીશું કે શાળાઓમાં વર્ગખંડોના બાંધકામમાં કેટલા પૈસાની છેતરપિંડી થઈ છે.
આ કેસમાં એ પણ ખુલાસો થયો કે ઝ્ર્ઈ તપાસમાં કૌભાંડ શોધી કાઢવામાં આવ્યું હતું, પરંતુ પાછલી આમ આદમી પાર્ટીની સરકારે આ અહેવાલ દબાવી દીધો હતો. ૨૦ એપ્રિલના રોજ,એસીબીએ ભૂતપૂર્વ નાયબ મુખ્યમંત્રી અને શિક્ષણ મંત્રી મનીષ સિસોદિયા અને ભૂતપૂર્વ પીડબ્લ્યુડી મંત્રી સત્યેન્દ્ર જૈન વિરુદ્ધ સરકારી શાળાઓમાં ૧૨,૭૪૮ વર્ગખંડોના બાંધકામમાં ૨,૦૦૦ કરોડ રૂપિયાના કૌભાંડ બદલ કેસ નોંધ્યો હતો. એવો આરોપ છે કે આ બંને નેતાઓ મંત્રી હતા ત્યારે વર્ગખંડોના બાંધકામના કોન્ટ્રાક્ટ ખૂબ જ ઊંચા દરે આપવામાં આવ્યા હતા. દરેક વર્ગખંડ રૂ. ૨૪.૮૬ લાખના ખર્ચે બનાવવામાં આવ્યો હતો, જે સામાન્ય ખર્ચ કરતાં લગભગ પાંચ ગણો હતો.
દિલ્હી ભાજપના ભૂતપૂર્વ પ્રવક્તા હરીશ ખુરાના, ધારાસભ્ય કપિલ મિશ્રા અને ભાજપના મીડિયા કોઓર્ડિનેટર નીલકાંત બક્ષીએ એસીબીને સરકારી શાળાઓમાં ૨,૮૯૨ કરોડ રૂપિયાના ખર્ચે ૧૨,૭૪૮ વર્ગખંડોના બાંધકામમાં ભ્રષ્ટાચાર અંગે ફરિયાદો આપી હતી.
એસીબીના અધિકારીઓનું કહેવું છે કે બે ભૂતપૂર્વ મંત્રીઓ ઉપરાંત, તેમના બે ભૂતપૂર્વ ઓએસડી, બે મુખ્ય ઇજનેરો, બબ્બર અને બબ્બર આર્કિટેક્ટ્સ અને ઘણા કોન્ટ્રાક્ટરોને પણ આ કૌભાંડમાં આરોપી બનાવી શકાય છે. હાલમાં છ લોકોની પૂછપરછ કરવાની તૈયારી ચાલી રહી છે. આ પછી, પીડબ્લ્યુડી એન્જીનિયરો અને કોન્ટ્રાક્ટરોને નોટિસ મોકલીને પૂછપરછ કરવામાં આવશે. કોન્ટ્રાક્ટરોના બેંક ખાતાઓની પણ તપાસ કરવામાં આવશે.
