કર્ણાટક સરકારે કેબિનેટની બેઠકમાં ૬૦ ફોજદારી કેસ પાછા ખેંચવાનો નિર્ણય લીધો. આમાં ૨૦૧૯ માં ચિત્તાપુર અને કનકપુરામાં પથ્થરમારાની ઘટનાઓ સંબંધિત કેસોનો સમાવેશ થાય છે. આ નિર્ણય ખેડૂતો, વિદ્યાર્થીઓ, કન્નડ કાર્યકરો અને રાજકીય કાર્યકરો સામે નોંધાયેલા કેસોનો છે. સરકારનું કહેવું છે કે આ નિર્ણય જનતા અને જનપ્રતિનિધિઓની માંગણીઓને પગલે લેવામાં આવ્યો છે.સૂત્રોના જણાવ્યા અનુસાર, જે કેસ પાછા ખેંચવાનો નિર્ણય લેવામાં આવ્યો છે તેમાં ૨૦૧૯ માં ચિત્તાપુરમાં પથ્થરમારાની ઘટનાનો પણ સમાવેશ થાય છે. આ ઘટના ત્યારે બની જ્યારે પોલીસે હિન્દુ કાર્યકરો પાસેથી માહિતી મેળવીને પ્રાણીઓ જપ્ત કર્યા હતા. તેવી જ રીતે, કનકપુરામાં ઈડ્ઢ દ્વારા ડીકે શિવકુમારની ધરપકડ બાદ તેમના સમર્થકો સામે નોંધાયેલા પથ્થરમારાના કેસ પણ યાદીમાં છે.કેબિનેટના આ નિર્ણયમાં, નાયબ મુખ્યમંત્રી ડી.કે. શિવકુમાર અને તેમના ભાઈ, ભૂતપૂર્વ સાંસદ ડી.કે. સુરેશના સમર્થકો સાથે સંબંધિત જૂના કેસ પણ દૂર કરવામાં આવ્યા છે. વર્ષ ૨૦૧૨ માં, ડી.કે. સુરેશના સમર્થકોએ તત્કાલીન મુખ્યમંત્રીને ઘેરી લીધા હતા. આ વિરોધ એટલા માટે થયો કારણ કે તેમને ડા. ભીમરાવ આંબેડકરની પ્રતિમા પર પુષ્પાંજલિ કાર્યક્રમમાં સામેલ કરવામાં આવ્યા ન હતા. હવે આ કેસોનો પણ અંત આવી ગયો છે.સૂત્રોએ જણાવ્યું હતું કે આ ૬૦ કેસોમાં ખેડૂતો, દલિત કાર્યકરો, કન્નડ સંગઠનો અને ગણેશ ઉત્સવ દરમિયાન થયેલી લડાઈઓ સંબંધિત કેસોનો પણ સમાવેશ થાય છે. સરકારનું કહેવું છે કે આ કેસ પાછા ખેંચવાથી ઘણા સંગઠનો અને લોકો પર લટકતી કાનૂની તલવાર દૂર થશે અને વાતાવરણ શાંતિપૂર્ણ બનશે.જાકે, ગૃહ વિભાગ, ડીજીપી અને આઈજીપી, ફરિયાદ અને કાયદા વિભાગના નિયામકએ આ કેસ પાછા ખેંચવા સામે વાંધો ઉઠાવ્યો હતો. તેમનું માનવું હતું કે બધા કેસ પાછા ખેંચવા યોગ્ય રહેશે નહીં. તેમ છતાં, કેબિનેટ સબ-કમિટીએ તપાસ અને વિચારણા પછી, આ કેસ કેબિનેટ સમક્ષ મૂક્યા અને અંતે તેમને પાછા ખેંચવાનો નિર્ણય લેવામાં આવ્યો. જાકે, વિપક્ષ આ નિર્ણય અંગે પ્રશ્નો ઉઠાવી શકે છે કે શું સરકાર રાજકીય દબાણ હેઠળ કેસ પાછો ખેંચી રહી છે. પરંતુ સરકારનું કહેવું છે કે ન્યાય અને સામાજિક સંતુલન માટે આ પગલું જરૂરી છે.
