સાવરકુંડલા આઈસીડીએસ પરિવાર દ્વારા પોષણ માસ ઉજવણી અંતર્ગત ખાસ સમાપન સમારોહ કાર્યક્રમની ઉજવણી કરવામાં આવી હતી. જેમાં તાલુકા પંચાયતનાં પ્રમુખ જીતુભાઈ કાછડીયા, નગરપાલિકા પ્રમુખ મેહુલભાઈ ત્રિવેદી, તાલુકા ભાજપ પ્રમુખ જીવનભાઈ વેકરીયા, સાવરકુંડલા શહેર ભાજપ પ્રમુખ પ્રવીણભાઈ સાવજ, જિલ્લા પંચાયતનાં સદસ્ય પુનાભાઈ ગજેરા, શરદભાઈ ગોદાની, લાલભાઈ મોર, લલિતભાઈ બાળધા, તાલુકા પંચાયતના ઉપપ્રમુખ પરશાતમભાઈ ઉમટ ખાસ હાજર રહી આંગણવાડી કાર્યકર તેડાગર બહેનોને પ્રોત્સાહિત કરેલ હતા. કાર્યક્રમની શરૂઆત મહાનુભાવોનાં આગમન સાથે કુમકુમ તિલક કરીને બહેનો દ્વારા સમૂહ પ્રાર્થના કરવામાં આવેલ હતી. ત્યારબાદ મંચસ્થ તમામ મહાનુભાવો દ્વારા દીપ પ્રાગટય કરીને કાર્યક્રમને ખુલ્લો મૂકવામાં આવેલ હતો. આંગણવાડી કાર્યકર બહેનો સેજલબેન અને હંસાબેન દ્વારા સ્વાગત ગીત રજૂ કરવામાં આવેલ હતું.
