સાવરકુંડલા નગરપાલિકા વિસ્તારમાં ભવ્ય તિરંગા યાત્રાનું આયોજન કરવામાં આવ્યું હતું. આ યાત્રામાં મોટી સંખ્યામાં સરકારી કર્મચારીઓ, વિદ્યાર્થીઓ, શિક્ષકો અને નગરજનો ઉત્સાહભેર જોડાયા હતા. સાવરકુંડલાના મુખ્ય માર્ગો પર ફરીને, આ યાત્રાએ દેશભક્તિનું વાતાવરણ ઊભું કર્યું હતું. સહુએ હાથમાં તિરંગા લઈ, “ભારત માતા કી જય” અને “વંદે માતરમ” ના નારા લગાવ્યા હતા. આ યાત્રાનો મુખ્ય ઉદ્દેશ્ય લોકોમાં રાષ્ટ્રભાવના અને દેશપ્રેમની લાગણી વધુ મજબૂત કરવાનો હતો. યાત્રાના સમાપન બાદ, સૌએ સાથે મળીને રાષ્ટ્રગીત ગાઈને કાર્યક્રમનું સમાપન કર્યું હતું.
