અમરેલી જિલ્લાના સાવરકુંડલા તાલુકામાં આવેલા શેલણા ગામની સીમમાં ગઈકાલે રાત્રે એક દર્દનાક ઘટના બની હતી. સ્થાનિક પશુપાલકોની પાંચ ગાયો પર સિંહે હુમલો કરી તેમનું મારણ કર્યું હતું. આ ઘટનાએ વિસ્તારમાં ચિંતાનું મોજું ફેલાવ્યું છે. સ્થાનિક સૂત્રો પાસેથી મળેલી માહિતી અનુસાર, ગઈકાલે મોડી રાત્રે શેલણા ગામની સીમમાં પાંચ ગાયો પર સિંહે અચાનક હુમલો કર્યો હતો. સવારે ખેડૂતોને ગાયોના મૃતદેહ જોવા મળ્યા હતા, જેના પગલે તેમણે તાત્કાલિક વન વિભાગને જાણ કરી હતી. વન વિભાગના અધિકારીઓએ ઘટનાસ્થળની મુલાકાત લઈ તપાસ શરૂ કરી છે.
