શ્રી ગુર્જર ક્ષત્રિય યુવક મંડળ સાવરકુંડલા દ્વારા આગામી ૨૨ સપ્ટેમ્બર ૨૦૨૪ના રોજ ૩૬મા ઇનામ વિતરણ કાર્યક્રમનું આયોજન કરવામાં આવ્યું છે. આ કાર્યક્રમ બપોરે ૩ઃ૦૦ વાગ્યે શ્રી કાનજી બાપુ ઉપવન, પારેખવાડી, સાવરકુંડલા ખાતે યોજાશે. કાર્યક્રમનો મુખ્ય ઉદ્દેશ જ્ઞાતિના બાલમંદિરથી કોલેજ સુધીના તમામ તેજસ્વી વિદ્યાર્થી ભાઈઓ-બહેનોને તેમની શૈક્ષણિક કારકિર્દી માટે પ્રોત્સાહિત કરવાનો છે. આ પ્રસંગે કન્યા ઉત્કર્ષ પુરસ્કારના દાતા સ્વ. હીનાબેન વલ્લભભાઈ ગેડિયા વતી તેમના પરિવારજનો પ્રવીણભાઈ તથા વિજયભાઈ હાજર રહેશે. કાર્યક્રમનું દીપ પ્રાગટ્ય સંત વિજય બાપુ (મહંત – સતાધાર), ગુરુ જીવરાજ બાપુ તથા હસુબાપુ (મહંત માધાબાપુની જગ્યા, સાવરકુંડલા) દ્વારા કરવામાં આવશે. આ મહાનુભાવો વિદ્યાર્થીઓને સફળતા માટે આશીર્વાદ આપશે. શ્રી ગુર્જર ક્ષત્રિય યુવક મંડળના પદાધિકારીઓ, જ્ઞાતિના વડીલો અને યુવાનો આ કાર્યક્રમમાં ઉપસ્થિત રહેશે તેવી અપેક્ષા છે.
