ગુજરાતમાં નશાકારક પદાર્થ પર પ્રતિબંધ હોવા છતા વારંવાર ઝડપાતો હોય છે. ત્યારે અમદાવાદના સાણંદ જીઆઇડીસીમાં સ્ટેટ મોનીટરીંગ સેલના દરોડા પાડ્યા છે. ખોરજ ગામમાં ફાટી તળાવ પાસેથી દેશી દારુની ભઠ્ઠી ઝડપાઈ છે. ૬૦ હજારની કિંમતનો ૩૦૦ લિટર દેશી દારુ ઝડપાયો હતો. સ્થળ પરથી એકની ધરપકડ કરવામાં આવી છે. જ્યારે અન્ય મુખ્ય આરોપીની શોધખોળ હાથ ધરવામાં આવી છે. પોલીસે દેશી દારુ સહિત ૨.૫૦ લાખનો મુદ્દામાલ કબજે કર્યો છે.
બીજી તરફ ગઈકાલે અમદાવાદના દાણીલીમડામાંથી કરોડો રુપિયાનું ડ્રગ્સ ઝડપાયું હતુ. ક્રાઈમ બ્રાન્ચે ૧ કરોડથી વધુની કિંમતનું ૧.૨૩ કિલો એમડી ડ્રગ્સ ઝડપ્યુ હતુ. ડ્રગ્સના આરોપી પાસેથી ૨ હથિયાર, ૪૦ જીવતા કારતૂસ પણ મળી આવ્યા હતા. પોલીસે આરોપી પાસેથી કુલ ૧૮ લાખની રોકડ રકમ કબજે કરાઈ હતી. અગાઉ ૮ ગંભીર ગુનામાં આરોપીની સંડોવણી હોવાનું સામે આવ્યુ હતુ. બે થી વધુ ગંભીર ગુનામાં આરોપી વોન્ટેડ હોવાનો ખુલાસો થયો હતુ.
