મહારાષ્ટ્રમાં મહાવિકાસ અઘાડીના ત્રણ પક્ષો કોંગ્રેસ, એનસીપી (શરદ) અને શિવસેના (ઉદ્ધવ) આગામી વિધાનસભા ચૂંટણીની તૈયારીમાં વ્યસ્ત છે. ત્રણેય પક્ષોમાં સીટની વહેંચણીને લઈને ચર્ચા શરૂ થઈ ગઈ છે, પરંતુ કોણ કેટલી સીટો પર ચૂંટણી લડશે તે હવે સર્વે દ્વારા નક્કી થશે. ત્રણેય પક્ષોએ સંયુક્ત રીતે એક નોડલ એજન્સીની નિમણૂક કરી છે, જે મહારાષ્ટ્રની તમામ ૨૮૮ વિધાનસભા બેઠકોનો સર્વે કરશે. રાજ્યમાં કેટલી બેઠકો પર કયો પક્ષ ચૂંટણી જીતી શકે છે તે આ સર્વેમાં જાણી શકાશે. કયા પક્ષના ઉમેદવાર જીતી શકે? આ સર્વેના આધારે ત્રણેય પક્ષો વચ્ચે સીટોની વહેંચણી કરવામાં આવશે.
સૂત્રોના જણાવ્યા અનુસાર લોકસભા ચૂંટણીમાં ત્રણેય પક્ષોએ મોટી સફળતા મેળવી હતી. જે બાદ હવે ત્રણેય પક્ષો આગામી વિધાનસભાની ચૂંટણીમાં શક્ય તેટલી વધુ બેઠકો પર ચૂંટણી લડવા માંગે છે. જાકે, ત્રણેય પક્ષોના નેતાઓ સમયાંતરે કહેતા આવ્યા છે કે મહાવિકાસ અઘાડીમાં વિધાનસભાની બેઠકોની વહેંચણી મેરિટના આધારે થશે અને હવે આ પક્ષોએ મેરિટના માપદંડ બનાવવા માટે નોડલ એજન્સીની નિમણૂક કરી છે. જે બહુ જલ્દી રાજ્યમાં ત્રણેય પક્ષો માટે સર્વે શરૂ કરવા જઈ રહી છે. વાસ્તવમાં ત્રણેય પક્ષોએ આ સર્વે કરવાનો નિર્ણય લીધો છે જેથી સીટોની વહેંચણીમાં કોઈપણ પ્રકારના વિવાદને ટાળી શકાય.
સૂત્રોના જણાવ્યા અનુસાર પ્રાથમિક ચર્ચામાં કોંગ્રેસને ૧૦૫થી ૧૧૦ બેઠકો, ઉદ્ધવ શિવસેનાને ૯૦થી ૯૫, એનસીપી શરદ પવારને ૭૦થી ૭૫ અને ૧૦થી ૧૨ બેઠકો સમાજવાદી પાર્ટી, ડાબેરી પક્ષ, શેતકરી જેવા અન્ય નાના સાથી પક્ષો માટે છોડવી જાઈએ. આ કોંગ્રેસની રણનીતિ છે. નોડલ એજન્સીના સર્વે બાદ સીટ શેરિંગ પર ચર્ચા શરૂ થશે.
અહેવાલ છે કે ત્રણેય પક્ષોએ આ એજન્સીને ૨૦ ઓગસ્ટ પહેલા સર્વે કરવાનું કહ્યું છે જેથી સીટની વહેંચણીમાં કોઈ વિલંબ ન થાય. જા કે, જે પાર્ટી લોકસભાની ચૂંટણીમાં સફળ રહી હતી તેણે તે પ્રદેશની તમામ વિધાનસભા બેઠકો માટે તૈયારીઓ શરૂ કરી દીધી છે. સૂત્રો કહે છે કે ગત વિધાનસભા ચૂંટણીમાં જે બેઠકો પર અઘાડી પક્ષો જીત્યા હતા તે જ મૂળ પક્ષને બેઠકો મળે તેની પણ કાળજી રાખવામાં આવશે. ૧૬ ઓગસ્ટના રોજ, ત્રણેય સ્ફછ પક્ષોના અધિકારીઓ અને કાર્યકરોની સંયુક્ત પરિષદ મુંબઈના ષણમુખાનંદ ઓડિટોરિયમમાં યોજાશે જેથી કરીને તેમની વચ્ચે વધુ સારું સંકલન જાળવી શકાય.
પ્રદેશ કોંગ્રેસ અધ્યક્ષ નાના પટોલેએ કહ્યું કે, ૨૦ ઓગસ્ટે પૂર્વ વડાપ્રધાન રાજીવ ગાંધીના જન્મદિવસના અવસરે મુંબઈમાં આગામી વિધાનસભાની ચૂંટણીને લઈને એક મોટી સભાનું આયોજન કરવામાં આવશે. આ બેઠક માટે દેશભરમાંથી કાર્યકરો મુંબઈ પહોંચવાના છે. આ કાર્યક્રમમાં મહાવિકાસ અઘાડીના પક્ષોના નેતાઓને પણ આમંત્રિત કરવામાં આવશે, જેના માટે કોંગ્રેસના નેતાઓએ શરદ પવાર અને ઉદ્ધવ ઠાકરેને આમંત્રણ મોકલ્યા છે. આ કાર્યક્રમમાં લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી અને કોંગ્રેસ અધ્યક્ષ મલ્લિકાર્જુન ખડગે પણ હાજર રહેશે.
