આ વર્ષે આસામ વિધાનસભાની ચૂંટણીઓ યોજાવાની છે. ચૂંટણીની ઔપચારિક જાહેરાતના થોડા અઠવાડિયા પહેલા જ રાજ્યને આજે વિકાસ પ્રોજેક્ટ્સની ભેટ મળી. પ્રધાનમંત્રી નરેન્દ્ર મોદીએ આસામની મુલાકાત દરમિયાન રાજ્યના લોકોને પણ સંબોધિત કર્યા. તેમણે ગુવાહાટીમાં એક જાહેર સભામાં જમ્મુ અને કાશ્મીરના પુલવામામાં થયેલા આતંકવાદી હુમલાનો પણ ઉલ્લેખ કર્યો. વધતી રાજકીય ગતિવિધિઓ વચ્ચે ચૂંટણીનો બ્યુગલ વગાડતા, પીએમ મોદીએ એક તરફ ભાજપના કાર્યકાળ દરમિયાન લેવામાં આવેલા નિર્ણયો અને વિકાસ પ્રોજેક્ટ્સનો ઉલ્લેખ કર્યો, તો બીજી તરફ, તેમણે વિરોધી રાજકીય પક્ષ કોંગ્રેસની પણ ટીકા કરી. બજેટ પછી આસામ અને પૂર્વોત્તરની મારી આ પહેલી મુલાકાત છે. અમે પૂર્વોત્તરની સેવા કરી રહ્યા છીએ, જેને કોંગ્રેસ પાર્ટી હંમેશા અવગણતી રહી છે. પૂર્વોત્તર આપણા માટે અષ્ટલક્ષ્મી છે. આ વર્ષનું બજેટ ભાજપ-એનડીએના અષ્ટલક્ષ્મી માટેના વિઝનને વધુ મજબૂત બનાવશે.
વડાપ્રધાન મોદીએ કહ્યું, “મા કામાખ્યા આસામ, આસામના લોકો, દેશ અને દેશવાસીઓ પ્રત્યે ખૂબ જ દયાળુ રહ્યા છે. તેમના આશીર્વાદથી, આસામે ઘણા બાળકો આપ્યા છે જેમણે રાષ્ટ્રની સેવા કરી છે અને દેશની સ્વતંત્રતા અને સંસ્કૃતિને આગળ ધપાવી છે. આજે, હું આવા જ એક બાળક, કબીરેન્દ્ર પુરકાયસ્થને સલામ કરું છું. તેમણે પોતાનું આખું જીવન આસામ અને સમાજની સેવામાં સમર્પિત કર્યું. આ યોગદાનને માન્યતા આપતા, ભાજપ-એનડીએ સરકારને તેમને પદ્મ પુરસ્કારથી સન્માનિત કરવાનો લહાવો મળ્યો છે.”
તેમણે વધુમાં જણાવ્યું કે ૨૦૧૪ થી, પૂર્વોત્તરના ૧૨૫ થી વધુ પ્રતિષ્ઠિત વ્યકિતઓને પદ્મ પુરસ્કારો પ્રાપ્ત થયા છે. આ આસામ અને પૂર્વોત્તરની અપાર સંભાવના દર્શાવે છે. પૂર્વોત્તરની આ તાકાત હવે વિકસિત ભારત માટે એક મુખ્ય પાયો છે.
પીએમ મોદીએ કહ્યું, “મને મોટી જાહેર સભાઓ યોજવાની ઘણી તકો મળે છે. જનતાને મળવું અને સંબોધવું એ એક સતત પ્રક્રિયા છે. જાકે, આસામના બૂથ-સ્તરના કાર્યકરોને મળવું મારા માટે એક મોટો લહાવો છે. જા આજે ભાજપની પહોંચનો શ્રેય કોઈને લાયક હોય, તો તે ફક્ત ભાજપના કાર્યકરોને જ જાય છે.”
તેમણે કહ્યું કે અમે સંગઠનમાં માનીએ છીએ. અમે માનીએ છીએ કે સંગઠનની શકિત રાષ્ટ્રીય જીવનમાં પરિવર્તનનો આધાર છે. તેથી, જમીન સાથે ઊંડે સુધી જાડાયેલા આટલી મોટી સંખ્યામાં કાર્યકરોને મળવું એ એક મોટો લહાવો છે.
પીએમ મોદીએ કોંગ્રેસ પાર્ટી પર આતંકવાદીઓને ટેકો આપવાનો આરોપ લગાવ્યો અને કહ્યું કે કોંગ્રેસના નેતાઓ ઘુસણખોરોને બચાવવામાં વ્યસ્ત છે. ભાજપની તરફેણમાં મળેલા જનાદેશમાં વિશ્વાસ વ્યક્ત કરતા તેમણે કહ્યું કે જનતા આગામી ચૂંટણીઓમાં ભારે બહુમતી સાથે ભાજપ સરકારને ચૂંટશે. કોંગ્રેસ પર તુષ્ટિકરણનો આરોપ લગાવતા, પીએમ મોદીએ કહ્યું કે કોંગ્રેસ પાર્ટી હંમેશા પૂર્વોત્તરને ભંડોળ ફાળવવાનું ટાળે છે, તેને અવગણે છે. ભાજપના નેતૃત્વ હેઠળના રાષ્ટÙીય લોકશાહી જાડાણ (એનડીએ) સરકારના કાર્યકાળ દરમિયાન લેવામાં આવેલા નિર્ણયો પર પ્રકાશ પાડતા, તેમણે ભાસ્કર સેતુ સહિત અન્ય ઘણા પ્રોજેક્ટ્સનો પણ ઉલ્લેખ કર્યો જેનું આજે ઉદ્ઘાટન કરવામાં આવ્યું હતું.
વડા પ્રધાન મોદીએ કહ્યું કે પૂર્વોત્તર આપણા માટે “અષ્ટલક્ષ્મી” છે. આ વર્ષનું બજેટ ભાજપ-એનડીએના અષ્ટલક્ષ્મી માટેના વિઝનને વધુ મજબૂત બનાવશે. બજેટ પછી આસામ અને પૂર્વોત્તરની મારી પહેલી મુલાકાત છે. અમે નિષ્ઠાપૂર્વક પૂર્વોત્તરની સેવા કરી રહ્યા છીએ, જેને કોંગ્રેસ પાર્ટી હંમેશા અવગણતી રહી છે. સત્તામાંથી બહાર થયા પછી કોંગ્રેસ વધુ ઝેરી બની ગઈ છે. આસામે સાવધ રહેવું જાઈએ.
તેમણે કહ્યું, હવે ભાજપ સરકાર હેઠળ, આસામને કોંગ્રેસ સરકાર હેઠળ કરતાં પાંચ ગણા વધુ પૈસા મળી રહ્યા છે. જા આપણે છેલ્લા ૧૧ વર્ષો પર નજર કરીએ તો, આસામને વિવિધ વિકાસ પ્રોજેક્ટ્સ માટે કેન્દ્ર સરકાર તરફથી ૫.૫૦ લાખ કરોડ રૂપિયાથી વધુ રકમ મળી છે. પહેલાં, જ્યારે પણ પૂર્વોત્તરનો ઉલ્લેખ થતો હતો, ત્યારે લોકો નબળા માળખાગત સુવિધાઓને યાદ કરતા હતા. આજે, અહીં હાઇવે બનાવવામાં આવી રહ્યા છે જ્યાં ફક્ત વાહનો જ ચાલી શકતા નથી, પરંતુ વિમાન પણ ઉતરી શકે છે.
પીએમ મોદીએ કહ્યું, આ એક ગર્વની ક્ષણ છે. આ આસામમાં બદલાતી ભાવનાને પ્રતિબિંબિત કરે છે. આ વર્ષનું બજેટ પૂર્વોત્તર માટે નીતિઓને વધુ વિસ્તૃત કરવા માટે ડિઝાઇન કરવામાં આવ્યું છે. જેમ જેમ નીતિઓ વિસ્તરે છે, રોજગારની તકો પણ વધે છે. તેથી, હાઇવે અને અન્ય રોડ પ્રોજેક્ટ્સ માટે આસામને હજારો કરોડ રૂપિયા ફાળવવાનો નિર્ણય લેવામાં આવ્યો છે.
પ્રધાનમંત્રીએ કહ્યું, “આજે પુલવામા હુમલાની વર્ષગાંઠ છે. આ હુમલામાં જીવ ગુમાવનારા ભારત માતાના બહાદુર સપૂતોને હું શ્રદ્ધાંજલિ અર્પણ કરું છું. આ આતંકવાદી હુમલા પછી ભારતે આતંકવાદીઓને કેવી
રીતે સજા આપી તે આખી દુનિયાએ જાયું છે. તમે ઓપરેશન સિંદૂરમાં પણ ભારતની આ તાકાત જાઈ છે. હું તમારી પાસેથી જાણવા માંગુ છુંઃ શું કોંગ્રેસ પાસે ક્્યારેય રાષ્ટ્રીય હિતમાં આવા હિંમતવાન નિર્ણયો લેવાની તાકાત હતી? કોંગ્રેસના નેતાઓ મહત્તમ નિવેદનો આપી શકે છે.”
કોંગ્રેસ પર વધુ પ્રહાર કરતા પીએમએ કહ્યું, “જે કોંગ્રેસ ભારતને એક રાષ્ટ્ર તરીકે સ્વીકારવાનો ઇનકાર કરે છે, જે ભારત માતા શું છે તે અંગે પ્રશ્ન કરે છે, જે ભારત માતાના નામનો ઉલ્લેખ પણ ટાળે છે, જે ભારત માતા માટે સહેજ પણ આદર દર્શાવતી નથી, તે ક્્યારેય ભારતનું ભલું કરી શકે નહીં.”
આજની કોંગ્રેસ દરેક વિચારને, દરેક આતંકવાદીને સમર્થન આપે છે, જે દેશનું ખરાબ વિચારે છે. જે લોકો દેશને ટુકડાઓમાં તોડી નાખવાનું સ્વપ્ન જુએ છે, જે લોકો પૂર્વોત્તરને ભારતથી અલગ કરવાના નારા લગાવે છે, તેઓ કોંગ્રેસ દ્વારા પૂજનીય બની ગયા છે. સ્વતંત્રતા સમયે, મુસ્લિમ લીગે દેશનું વિભાજન કર્યું હતું. હવે, આજની કોંગ્રેસ, મુસ્લિમ લીગ-માઓવાદી કોંગ્રેસ, અથવા સ્સ્ઝ્ર ના રૂપમાં, ફરી એકવાર દેશને વિભાજીત કરવાનું શરૂ કરી દીધું છે.”
વડાપ્રધઆને કહ્યું, કોંગ્રેસના શાસન દરમિયાન, ૩જી અને ૪જી ટેકનોલોજી રજૂ કરવામાં આવી હતી, અને ૨જી કૌભાંડો પણ થયા હતા, પરંતુ કોંગ્રેસ પાર્ટીએ તેને ઉત્તરપૂર્વ અને આસામમાં ઝડપથી ફેલાવવા માટે સખત મહેનત કરી ન હતી. ભાજપ સરકાર દરમિયાન જ્યારે ૫ જી ટેકનોલોજી આવી, ત્યારે અમે આ ટેકનોલોજીને આસામ સહિત સમગ્ર પૂર્વોત્તરના દરેક ગામમાં પહોંચાડવાનું કામ કર્યું.
