રાષ્ટ્રીય સ્વયંસેવક સંઘના વડા મોહન ભાગવતે હિમાચલ પ્રદેશના ધર્મશાળામાં આયોજિત ભૂતપૂર્વ સૈનિકોના જ્ઞાનદાન કાર્યક્રમમાં ભાગ લીધો હતો. આ દરમિયાન તેમણે કહ્યું કે છેલ્લા ૯૬ વર્ષથી હંમેશા આરએસએસનો વિરોધ હતો, પરંતુ અમે સમાજની સેવા કરતા રહ્યા. ભાગવતે કહ્યું કે સંઘને થોડી રાહત ત્યારે જ મળી જ્યારે સ્વયંસેવકો સત્તામાં આવ્યા. આ દરમિયાન ભાગવતે પૂર્વ સૈનિકોને શાળા અને સ્વયંસેવકનો અર્થ સમજોવતા તેમને તેમાં જોડાવા અપીલ કરી હતી અને સમાજને દરરોજ એક કલાક આપવા જણાવ્યું હતું.
આ દરમિયાન સંઘ પ્રમુખે કહ્યું, ‘ચાર હજોર વર્ષ પહેલાથી ભારતના લોકોના ડીએનએ એક સમાન સ છેપ હું એ જ હવામાં વાત નથી કરી રહ્યો. આમ તો આપણે એ જ પૂર્વજોના વંશજ છીએ, એ પૂર્વજોના કારણે જ આપણો દેશ વિકસ્યો, આપણી સંસ્કૃતિ આજ સુધી ચાલુ છે. ગ્રીસ, ઈજિપ્ત, રોમન, બધા ક્યાંથી ગાયબ થઈ ગયા અમુક વસ્તુ એવી હોય છે જેનાથી આપણું વ્યક્તિત્વ જતું નથી. એમાં એક વાત એવી પણ છે કે આના માટે બલિદાન આપવામાં આવ્યા છે અને આપણા પૂર્વજો જે આ કરે છે તે આપણા ગૌરવની વાત છે, આપણી વફાદારી તેમના પ્રત્યે છે, આપણું સન્માન તેમના પ્રત્યે છે. આપણે તેના જીવનનું અનુકરણ કરીએ છીએ.
સંઘ પ્રમુખે કહ્યું કે હિંદુત્વ કોઈને જીતાડવાની વાત નથી કરતું અને આ શબ્દનો ઉપયોગ સૌપ્રથમ ગુરુ નાનક દેવજીએ કર્યો હતો. સંઘના વડાએ કહ્યું કે હિન્દુત્વ કોઈને વિભાજિત કરવાની વાત નથી કરતું, પરંતુ તે એક થવાની વાત કરે છે. મોહન ભાગવતે કહ્યું કે અમે ગુલામ છીએ કારણ કે અમે હંમેશા વિભાજિત હતા