છેલ્લા સત્રમાં ઉછાળાના બીજા જ દિવસે મંગળવારે સ્થાનિક શેરબજાર લાલ નિશાનમાં બંધ થયું હતું. બોમ્બે સ્ટોક એક્સચેન્જનો બેન્ચમાર્ક બીએસઇ ૬૭.૩ પોઈન્ટ ઘટીને ૭૮,૪૭૨.૮૭ ના સ્તરે બંધ થયો હતો. એ જ રીતે નેશનલ સ્ટોક એક્સચેન્જનો નિફ્ટી ૨૫.૮ પોઈન્ટના ઘટાડા સાથે ૨૩૭૨૭.૬૫ ના સ્તર પર બંધ થયો હતો. ટ્રેડિંગ દરમિયાન પાવર ગ્રીડ કોર્પ, જેએસડબલ્યુ સ્ટીલ, એસબીઆઈ લાઈફ ઈન્સ્યોરન્સ, ઈન્ડસઈન્ડ બેંક અને ગ્રાસિમ ઈન્ડસ્ટ્રીઝ નિફ્ટી પર ટોપ લુઝર તરીકે જોવામાં આવ્યા હતા, જ્યારે ટાટા મોટર્સ, અદાણી એન્ટરપ્રાઈઝ, આઈશર મોટર્સ, બીપીસીએલ અને આઈટીસી ગેનર તરીકે જોવાયા હતા.
સેક્ટોરલ ઈન્ડાયસિસની વાત કરીએ તો ઓટો, એફએમસીજી, ઓઈલ એન્ડ ગેસ, ફાર્મા, રિયલ્ટીમાં ખરીદારી જોવા મળી હતી, જ્યારે આઈટી, મીડિયા, મેટલ, પીએસયુ બેન્કમાં વેચવાલી જોવા મળી હતી.બીએસઇ મિડકેપ ઈન્ડેક્સ સપાટ નોટ પર બંધ થયો હતો, જ્યારે સ્મોલકેપ ઈન્ડેક્સ ૦.૩ ટકા અપ હતો. નિફ્ટી મેટલ ૦.૮૩%ના ઘટાડા સાથે સૌથી વધુ પાછળ રહ્યો હતો. નિફ્ટી ઓટો સ્ટાક ૦.૫૭%ના વધારા સાથે લીલા નિશાનમાં બંધ થયો. બજારના નિષ્ણાતો અપેક્ષા રાખે છે કે કોર્પોરેટ કમાણીની સીઝન પહેલા આવતા મહિનાની શરૂઆતમાં આ મર્યાદિત ગતિ ચાલુ રહેશે.
મંગળવારે વૈશ્વીક બજારમાં તેજી રહી હતી. ચીનના બજારોમાં ૧% થી વધુનો ઉછાળો. યુ.એસ.માં બજારો નાતાલના આગલા દિવસે મંગળવારે પૂર્વીય સમય અનુસાર બપોરે ૧ વાગ્યે બંધ થશે અને બુધવારે નાતાલ માટે બંધ રહેશે. પ્રારંભિક યુરોપીયન ટ્રેડિંગમાં, બ્રિટનનો એફટીએસઇ ૧૦૦ ૦.૪% વધીને ૮,૧૩૨.૬૬ પર અને પેરિસમાં સીએસી ૪૦ ૦.૫% વધીને ૭,૩૧૧.૪૬ થયો. જર્મનીમાં બજારો બંધ રહ્યા હતા.
એસએન્ડપી ૫૦૦ ફ્યુચર્સ ૦.૧% ઉપર હતા અને ડાઉ જાન્સ ઈન્ડસ્ટ્રીયલ એવરેજ ફ્લેટ હતી. જાપાનનો બેન્ચમાર્ક દ્ગૈાૈ ૨૨૫ ૦.૩% ઘટીને ૩૯,૦૩૬.૮૫ પર છે. હોંગકોંગમાં હેંગસેંગ ૧.૧% વધીને ૨૦,૦૯૮.૨૯ પર અને શાંઘાઈ કમ્પોઝિટ ઈન્ડેક્સ ૧.૩% વધીને ૩,૩૯૩.૫૩ પર પહોંચ્યો.
