સોમવારે સ્થાનિક શેરબજારો મજબૂત રીતે બંધ થયા. સેન્સેક્સ ૪૧૮.૮૧ પોઈન્ટ વધીને ૮૧,૦૧૮.૭૨ પર બંધ થયો, જ્યારે નિફ્ટી ૧૫૭.૪૦ પોઈન્ટ વધીને ૨૪,૭૨૨.૭૫ પર બંધ થયો. ૪ ઓગસ્ટના રોજ બજારમાં સર્વાંગી ખરીદી જાવા મળી. સમાચાર અનુસાર, લગભગ ૨૦૪૭ શેર વધ્યા, જ્યારે ૧૬૦૭ શેર ઘટ્યા અને ૧૫૪ શેર યથાવત રહ્યા. આજના કારોબારમાં, બધા ક્ષેત્રીય સૂચકાંકો લીલા નિશાનમાં બંધ થયા. પીએસયુ બેંકો, ફાર્મા, રિયલ્ટી,આઇટી મેટલ, ટેલિકોમ, મીડિયા, કન્ઝ્યુમર ડ્યુરેબલ્સ અને ઓટો ક્ષેત્રોમાં ૦.૫% થી ૨.૫% નો ઉછાળો નોંધાયો.
સોમવારે શેર બજારમાં વ્યાપક ખરીદી જાવા મળી, જેના કારણે રોકાણકારોની સંપત્તિમાં મજબૂત વધારો થયો.બીએસઇ પર લિસ્ટેડ કંપનીઓનું કુલ માર્કેટ કેપિટલાઈઝેશન (માર્કેટ કેપ) વધીને ૪૪૯ લાખ કરોડ થયું, જે પાછલા સત્રમાં ૪૪૪.૫ લાખ કરોડ હતું. આ એક સત્રમાં રોકાણકારોની સંપત્તિમાં લગભગ ૪.૫ લાખ કરોડનો વધારો થયો, જેના કારણે બજારમાં સકારાત્મક વાતાવરણ જળવાઈ રહ્યું.
નિફ્ટીમાં આજના સૌથી વધુ વધનારા શેરોમાં હીરો મોટોકોર્પ, ટાટા સ્ટીલ, ભારત ઇલેક્ટ્રોનિક્સ, અદાણી પોર્ટ્સ અને જેએસડબ્લ્યુ સ્ટીલનો સમાવેશ થાય છે. તે જ સમયે, પાવર ગ્રીડ કોર્પ,એચડીએફસી બેંક,ઓએનજીસી,આઇસીઆઇસીઆઇ બેંક અને એપોલો હોસ્પિટલ્સ મુખ્ય ઘટનારા શેરો તરીકે ઉભરી આવ્યા.બીએસઇ મિડકેપ ઇન્ડેક્સમાં ૧% નો વધારો અને સ્મોલકેપ ઇન્ડેક્સમાં ૦.૭% નો વધારો જાવા મળ્યો.
સોમવારે એશિયા-પેસિફિક ક્ષેત્રના શેરબજારોમાં મિશ્ર વલણ જોવા મળ્યું, જ્યાં મોટાભાગના બજારો વધારા સાથે બંધ થયા. હોંગકોંગનો હેંગ સેંગ ઇન્ડેક્સ ૦.૯૨% ના વધારા સાથે ૨૪,૭૩૨.૫૫ પર બંધ થયો, જ્યારે ચીનનો સીએસઆઇ ૩૦૦ ઇન્ડેક્સ ૦.૩૯% વધીને ૪,૦૭૦.૭૦ પર બંધ થયો. જાપાનના બજારોમાં ઘટાડો જાવા મળ્યો. નિક્કી ૨૨૫ ઇન્ડેક્સ ૧.૨૫% ઘટીને ૪૦,૨૯૦.૭૦ પર બંધ થયો, જ્યારે ટોપિક્સ ઇન્ડેક્સ ૧.૧૦% ઘટીને ૨,૯૧૬.૨૦ પર બંધ થયો. એ જ રીતે, દક્ષિણ કોરિયાનો કોસ્પી ઇન્ડેક્સ ૦.૯૧% વધીને ૩,૧૪૭.૭૫ પર બંધ થયો. કોસ્ડેક, જે નાના શેરોનો ઇન્ડેક્સ છે, તે ૧.૪૬% વધીને ૭૮૪.૦૬ પર બંધ થયો. ઓસ્ટ્રેલિયાનો એસએન્ડપી/એએસએકસ ૨૦૦ ઇન્ડેક્સ ૮,૬૬૩.૭૦ પર સ્થિર બંધ થયો.
