મંગળવારના ભારે ઘટાડા પછી, બુધવારે ભારતીય શેરબજારે જોરદાર વાપસી કરી. સ્થાનિક બજારમાં ખરીદીનો જોરદાર માહોલ જોવા મળ્યો, જેમાં સેન્સેક્સ ૭૯૦ પોઈન્ટના મજબૂત વધારા સાથે બંધ થયો, જ્યારે નિફ્ટી ફરી એકવાર મહત્વપૂર્ણ ૨૪,૦૦૦ ના સ્તરને પાર કરી ગયો. ક્રૂડ ઓઇલના ભાવમાં ઘટાડો, વિદેશી રોકાણકારો દ્વારા ખરીદી અને આઇટી અને બેંકિંગ શેરોમાં મજબૂત તેજીએ બજારને ઉત્સાહિત કર્યું.
બીએસઈ સેન્સેક્સ ૭૯૦.૫૪ પોઈન્ટ અથવા ૧.૦૪% વધીને ૭૬,૯૯૧.૨૨ પર બંધ થયો.એનએસઇ નિફ્ટી ૧૯૭.૫૫ પોઈન્ટ વધીને ૨૪,૦૨૧.૬૫ પર પહોંચ્યો. બજારમાં સકારાત્મક ભાવનાનો અંદાજ એ હકીકત પરથી લગાવી શકાય છે કે ૨,૧૦૭ શેર વધ્યા, જ્યારે ૧,૯૭૦ શેર ઘટ્યા.
ઇન્ટરગ્લોબ એવિએશન (ઈન્ડીગો), અદાણી એન્ટરપ્રાઇઝ, ટેક મહિન્દ્રા, ટ્રેન્ટ અને બજાજ ફાઇનાન્સ નિફ્ટીમાં સૌથી વધુ ઉછાળા દર્શાવનારા હતા. બીજી તરફ, બજાજ ઓટો,એનટીપીસી,ઓએનજીસી ટાટા સ્ટીલ અને ભારત ઇલેક્ટ્રોનિક્સ દબાણ હેઠળ હતા આઇટી ક્ષેત્રમાં સૌથી વધુ ખરીદી જોવા મળી, જેમાં ટેક મહિન્દ્રા, ઇન્ફોસિસ અને ટીસીએસ જેવા મુખ્ય શેરોમાં મજબૂત વધારો થયો.
શેરબજારમાં શા માટે તેજી આવી?
કાચા તેલના ભાવમાં ઘટાડોઃ બજારમાં તેજી પાછળનું સૌથી મોટું કારણ કાચા તેલના ભાવમાં નરમાઈ હતી. બ્રેન્ટ ક્રૂડના ભાવ ઘટીને ઇં૭૬ પ્રતિ બેરલ થયા. આનાથી ભારતીય અર્થતંત્ર પર દબાણ ઓછું થવાની આશા જાગી અને રોકાણકારોનો વિશ્વાસ વધ્યો. એ નોંધવું જોઈએ કે તેલના ભાવમાં ઘટાડો ફુગાવા અને આયાત બિલ બંને પર રાહત આપી શકે છે.
વિદેશી રોકાણકારોનો વિશ્વાસ વધ્યોઃ વિદેશી સંસ્થાકીય રોકાણકારોએ પણ બજારને ટેકો આપ્યો. મંગળવારે,એફઆઇઆઇએ ભારતીય શેરબજારમાં ચોખ્ખી ખરીદી કરી. આનાથી રોકાણકારોની ભાવના મજબૂત થઈ અને બજારમાં ખરીદીમાં વધારો થયો.
ભારત-યુએસ વેપાર સોદોઃ બજારને ટેકો આપતો બીજા મુખ્ય સમાચાર ભારત અને યુનાઇટેડ સ્ટેટ્સ વચ્ચેનો સંભવિત વેપાર કરાર હતો. અહેવાલો અનુસાર, બંને દેશો વચ્ચેનો કરાર અંતિમ તબક્કામાં પહોંચી ગયો છે. આનાથી રોકાણકારોને આશા છે કે ભારતીય કંપનીઓ માટે નવી તકો ઉભરી શકે છે.
ભારત વીઆઇએકસ ૨.૬૫% ઘટીને ૧૩.૫૭ પર આવી ગયો. આ સૂચવે છે કે રોકાણકારોની ચિંતાઓ ઓછી થઈ છે અને બજારમાં સ્થિરતા પાછી આવી રહી હોય તેવું લાગે છે.
