દેશમાં સતત આપઘાતની ઘટનાઓ વધી રહી છે. સામાન્ય તણાવમાં આવીને લોકો આપઘાત જેવુ અંતિમ પગલું ભરતા પણ અચકતા નથી ત્યારે આવામાં વધુ એક ઝારખંડમાંથી દુઃખદ સમાચાર સામે આવ્યા છે, જ્યાં નેશનલ શૂટર કોનિકા લાયક નું કોલકાતામાં શંકાસ્પદ સંજાગોમાં મૃત્યુ થયું છે. કોનિકાએ રાષ્ટ્રીય સ્તરે ઘણા મેડલ જીત્યા છે, એટલું જ નહીં ઝારખંડમાં પણ તેણે રમત જગતમાં એક અલગ ઓળખ બનાવી છે. પરંતુ તેના રહસ્યમય મોતથી પરિવારની સાથે અનેક લોકોને પણ આઘાત લાગ્યો છે.આ અકસ્માત છે કે કાવતરું છે તે જાણી શકાયું નથી.
હકીકતમાં શૂટર કોનિકા લાયક હાલમાં કોલકાતામાં રહેતી હતી અને જયદીપ કર્માકર શૂટિંગ એકેડમીમાં ટ્રેનિંગ લઈ રહી હતી. ત્રણ દિવસ પહેલા તેની માતા કોલકાતામાં પુત્રીને મળ્યા બાદ ધનબાદ પરત ફરી હતી. માતા કહે છે કે તે ખૂબ જ ખુશ હતી, તેને કોઈ સમસ્યા કે ટેન્શન નહોતું. પરંતુ આ માહિતી બે દિવસ પછી જ મળી હતી. આ પછી કોયલંચલના ધનબાદ સ્થિત તેમના ઘરે શોકની લાગણી છવાઈ ગઈ છે.પિતાએ કહ્યું કે અમારું બધું ખતમ થઈ ગયું છે, દીકરી અમારું ગૌરવ હતી. હાલ પોલીસે મૃતદેહનો કબજા મેળવીને હોસ્પિટલ મોકલી આપ્યો છે. પોસ્ટમોર્ટમ રિપોર્ટ આવ્યા બાદ જ સત્ય હકીકત જાણવા મળશે.
જણાવી દઈએ કે કોનિકાની પાસે રાઈફલ ન હોવાના કારણે કોનિકાને મિત્રો પાસેથી લોન માંગીને ટૂર્નામેન્ટ રમવી પડી હતી. પરંતુ જ્યારે કોનિકાને પોતાની રાઈફલ મળી ત્યારે તે ખુશ થઈ ગઈ. એટલા માટે તે કોલકાતાની શૂટિંગ એકેડમીમાં ટ્રેનિંગ લઈ રહી હતી.
કોનિકા ત્યારે ચર્ચામાં આવી જ્યારે અભિનેતા સોનુ સૂદ તેની મદદ માટે આગળ આવ્યો. આ વર્ષે જૂન મહિનામાં કોનિકાની આંતરરાષ્ટ્રીય સ્તરની શૂટિંગ સ્પર્ધામાં પસંદગી થઈ હતી. પરંતુ રાઈફલના અભાવે જ્યારે તે શૂટિંગમાં ભાગ લઈ શકી ન હતી. સોનુ સૂદને આ માહિતીની જાણ થતાં જ તેણે કોનિકાને ૨.૫ લાખ રૂપિયાની કિંમતની જર્મન રાઈફલ મોકલી હતી.
સોનુ સૂદે કોકનિકાને રાઈફલ આપવાનું વચન સાથે કહ્યું હતું કે ‘હું તને રાઈફલ આપીશ. તમે દેશને મેડલ આપો. તમારી રાઈફલ તમારા સુધી પહોંચી જશે. તેના જવાબમાં કોનિકાએ કહ્યું- સર મારી બંદૂક આવી ગઈ છે. મારા પરિવારમાં ખુશીની લહેર ફેલાઈ ગઈ છે અને આખું ગામ તમને આશીર્વાદ આપી રહ્યું છે. જુગ જુગ જીવો
દુઃખની વાત એ છે કે શૂટર કોનિકાના લગ્ન આ વર્ષે નક્કી કરવામાં આવ્યા હતા. તેઓ આવતા વર્ષે એટલે કે ફેબ્રુઆરી ૨૦૨૨માં લગ્ન કરવાના હતા. ઘરમાં લગ્નની તૈયારીઓ શરૂ થઈ ગઈ હતી. કોનિકાએ પોતે પણ પોતાના માટે શોપિંગ કર્યું હતું. પરંતુ દુલ્હન બનતા પહેલા તેણે દુનિયાને અલવિદા કહી દીધું.
