દક્ષિણ આફ્રિકાના મહાન બેટ્સમેન એબી ડી વિલિયર્સ હાલમાં ભારતના પ્રવાસે છે. તે મુંબઈમાં છે, તેમણે ભારતીય ક્રિકેટના ઘણા પાસાઓ વિશે વાત કરી છે. તેમણે શુભમન ગિલના ટેસ્ટ કેપ્ટન બનવા, ભારતના ઇંગ્લેન્ડ પ્રવાસ અને વિરાટ કોહલીના ટેસ્ટ ક્રિકેટમાંથી નિવૃત્તિ વિશે પણ વાત કરી છે. ડી વિલિયર્સે કહ્યું કે તેમને આશા છે કે રોયલ ચેલેન્જર્સ બેંગ્લોરની ટીમ આ વર્ષે ચેમ્પિયન બનશે.
આરસીબી ફાઇનલમાં પહોંચવા પર, ડી વિલિયર્સે કહ્યું – હું ખૂબ જ ખુશ છું કે બેંગ્લોર ટીમ ફાઇનલમાં પહોંચી છે. શુક્રવારે રાત્રે મુંબઈ ઇન્ડીયંસનો વિજય થયો. હવે ખૂબ જ સારી ક્વોલિફાયર ૨ મેચ (મુંબઈ અને પંજાબ વચ્ચે) યોજાવા જઈ રહી છે. હું ફાઇનલની આતુરતાથી રાહ જોઈ રહ્યો છું અને આશા રાખું છું કે આ વર્ષ આરસીબી માટે સારું રહેશે.’
કોહલીની ટેસ્ટમાંથી નિવૃત્તિ પર, ડી વિલિયર્સે કહ્યું, ‘તેણે પોતાના હૃદયની વાત સાંભળી હશે. વિરાટે પોતાના અંતરાત્માની વાત સાંભળી. તેણે વર્ષોથી વિશ્વભરમાં ક્રિકેટ માટે ઘણું કર્યું છે અને સદભાગ્યે આપણે હજુ પણ તેને ક્રિકેટના મેદાન પર જાઈશું. ટેસ્ટ મેચોમાં તેની ખોટ સાલશે. તેણે લાલ બોલમાં એક મહાન વારસો છોડી દીધો છે.’
ડી વિલિયર્સે ગિલને ભારતીય ટેસ્ટ ટીમના નવા કેપ્ટન તરીકે નિયુક્ત કરવા પર કહ્યું, ‘હવે યુવા ખેલાડીઓ માટે આગળ આવવાનો સમય આવી ગયો છે. શુભમન ગિલ જવાબદારી લઈ રહ્યો છે. ભારતમાં ઘણી પ્રતિભા છે અને આનો શ્રેય મોટાભાગે આઇપીએલને જાય છે. અમે આ વર્ષે વૈભવ સૂર્યવંશીને જોયો. ભારતીય ટીમ અને ગિલની ઇંગ્લેન્ડ સામે જોરદાર કસોટી થશે.’
ખરેખર, મુંબઈએ શુક્રવારે એલિમિનેટરમાં ગુજરાતને ૨૦ રનથી હરાવીને ક્વોલિફાયર-૨ માં સ્થાન મેળવ્યું. હવે ક્વોલિફાયર-૨ મેચ ૧ જૂને અમદાવાદમાં રમાશે. તે જ સમયે, ફાઇનલ ૩ જૂને અમદાવાદમાં રમાશે.આરસીબી ટીમે ક્વોલિફાયર વનમાં પંજાબને હરાવીને સીધો ફાઇનલમાં પ્રવેશ કર્યો. તે જ સમયે,આઇપીએલ સમાપ્ત થયા પછી, ભારતીય ટીમને ઇંગ્લેન્ડનો પ્રવાસ કરવાનો છે. ત્યાં ટીમ ઇન્ડિયા પાંચ મેચની ટેસ્ટ શ્રેણી રમશે, જે ૨૦ જૂનથી શરૂ થવા જઈ રહી છે. ગિલ એક યુવા ટીમ ઇન્ડિયાનું નેતૃત્વ કરશે.
