શુબમન ગિલ સદી રેકોર્ડઃ ભારતીય ટેસ્ટ ટીમના કેપ્ટન શુભમન ગિલ આ દિવસોમાં શાનદાર ફોર્મમાં છે. તેણે ઇંગ્લેન્ડ સામેની બે ટેસ્ટ મેચમાં સતત બે સદી ફટકારી છે. તેણે લીડ્સ ખાતે રમાયેલી પ્રથમ ટેસ્ટ મેચમાં સદી ફટકારી હતી, ત્યારબાદ તેણે હવે એજબેસ્ટનમાં રમાઈ રહેલી મેચમાં સદી ફટકારી છે. તમને જણાવી દઈએ કે ગિલ માટે ઇંગ્લેન્ડ સામે આ સતત ત્રીજી ટેસ્ટ સદી છે. આ સદી સાથે, તેણે ઇંગ્લેન્ડ સામે સતત ત્રણ સદી ફટકારવાના મામલામાં રાહુલ દ્રવિડ અને મોહમ્મદ અઝહરુદ્દીનની બરાબરી કરી લીધી છે.
તમને જણાવી દઈએ કે શુભમન ગિલ ઇંગ્લેન્ડ સામે ટેસ્ટ મેચમાં સતત ત્રણ સદી ફટકારનાર ચોથો ભારતીય ક્રિકેટર બન્યો છે. ગિલ પહેલા અઝહરુદ્દીન (૧૯૮૪-૧૯૮૫), દિલીપ વેંગસરકર (૧૯૮૫-૧૯૮૬) અને રાહુલ દ્રવિડ (૨૦૦૨, ૨૦૦૮-૨૦૧૧) આ સિદ્ધિ મેળવી ચૂક્્યા છે. ગિલે બ‹મગહામ અને લીડ્સમાં સદી ફટકારી હતી. આ પહેલા તેણે માર્ચ ૨૦૨૪માં ધર્મશાલામાં રમાયેલી ટેસ્ટ મેચમાં ઇંગ્લેન્ડ સામે ૧૧૦ રનની ઇનિંગ્સ રમી હતી. તમને જણાવી દઈએ કે ગિલની ટેસ્ટ કારકિર્દીની આ સાતમી સદી છે. ભારતના ટેસ્ટ કેપ્ટન બન્યા બાદ ગિલ એક અલગ જ સ્વરૂપમાં જાવા મળી રહ્યો છે.
ઇંગ્લેન્ડ સામે ટેસ્ટમાં સતત ત્રણ સદી ફટકારનારા ભારતીયો
મોહમ્મદ અઝહરુદ્દીન (૧૯૮૪-૧૯૮૫)
દિલીપ વેંગસરકર (૧૯૮૫-૧૯૮૬)
રાહુલ દ્રવિડ (૨૦૦૨, ૨૦૦૮-૨૦૧૧)
શુભમન ગિલ (૨૦૨૪-૨૦૨૫)
ગિલ અને જાડેજા બેટિંગ કરી રહ્યા છે
એજબેસ્ટનમાં રમાઈ રહેલી આ ટેસ્ટ મેચની વાત કરીએ તો, રમતનો પહેલો દિવસ ભારતીય બેટ્સમેનોના નામે હતો. પહેલા દિવસના અંત સુધીમાં, ભારતે ૫ વિકેટ ગુમાવીને ૩૧૦ રન બનાવ્યા છે. ગિલ ૧૧૪ અને રવિન્દ્ર જાડેજા ૪૧ રન બનાવીને અણનમ પાછો ફર્યો. અત્યાર સુધીમાં, બંને વચ્ચે ૯૯ રનની ભાગીદારી થઈ છે. અગાઉ, ભારત તરફથી યશસ્વી જયસ્વાલ ૮૭ રન બનાવીને આઉટ થયો હતો. લીડ્સ ખાતે રમાયેલી પ્રથમ ટેસ્ટ મેચમાં શુભમન ગિલે ૨૨૭ બોલમાં ૧૪૭ રન બનાવ્યા હતા. તે મેચમાં ભારતીય બેટ્સમેનોએ કુલ ૫ સદી ફટકારી હતી, પરંતુ તેમ છતાં ટીમ ઈન્ડીયાને હારનો સામનો કરવો પડ્યો હતો. તે મેચમાં, ઈંગ્લેન્ડે ચોથી ઇનિંગમાં ૩૭૧ રનનો લક્ષ્યાંક ખૂબ જ સરળતાથી પ્રાપ્ત કરી લીધો હતો.
