સીએસકે સામેની મેચમાં શુભમન ગિલ અને સાઈ સુધરસને ધૂમ મચાવી હતી અને શાનદાર સદીની ઇનિંગ્સ રમી હતી, બંનેની સદીની ઇનિંગ્સના આધારે ગુજરાતની ટીમ ૨૦ ઓવરમાં ૨૩૧ રન બનાવવામાં સફળ રહી હતી . તમને જણાવી દઈએ કે ગુજરાતે સીએસકેને ૩૫ રને હરાવ્યું હતું. શુભમને મેચમાં ૧૦૪ રનની ઇનિંગ રમી હતી જેમાં તેણે ૫૫ બોલનો સામનો કર્યો હતો. તેની ઇનિંગમાં ગિલે ૯ ચોગ્ગા અને ૬ છગ્ગા ફટકાર્યા હતા, સાઈ અને ગિલે પ્રથમ વિકેટ માટે ૨૧૦ રન જાડ્યા હતા. તમને જણાવી દઈએ કે ગિલે પોતાની સદીની ઇનિંગ્સ દરમિયાન શાનદાર રેકોર્ડ પોતાના નામે કર્યો હતો. ગિલ ટી -૨૦ ક્રિકેટમાં કોઈપણ એક મેદાન પર સૌથી ઝડપી ૧૦૦ રન બનાવનાર બેટ્સમેન બની ગયો છે.
ગિલે અમદાવાદના મેદાન પર માત્ર ૧૧૯ ઇનિંગ્સમાં ૧૦૦૦ રન પૂરા કર્યા હતા. તે જ સમયે, બાબર આઝમે રાવલપિંડીના મેદાન પર ૨૨ ઇનિંગ્સ રમીને ૧૦૦૦ રન પૂરા કર્યા હતા. આ સિવાય મોહમ્મદ રિઝવાને કરાચીના મેદાન પર ૨૨ ઇનિંગ્સ રમીને ૧૦૦૦ રન પૂરા કરવામાં સફળતા મેળવી હતી. ક્રિસ ગેલે બેંગલુરુના મેદાન પર ૨૨ ઇનિંગ્સ રમીને ટી -૨૦માં ૧૦૦૦ રન પૂરા કર્યા.
૧૯ ઇનિંગ્સ-શુબમન ગિલ અમદાવાદ
૨૨ ઇનિંગ્સ- હૈદરાબાદમાં ડેવિડ વોર્નર
૨૨ ઇનિંગ્સ – બેંગ્લોરમાં ક્રિસ ગેલ
૨૨ ઇનિંગ્સ – ઓવલ ખાતે એરોન ફિન્ચ
૨૨ ઇનિંગ્સ- રાવલપિંડીમાં બાબર આઝમ
૨૨ ઇનિંગ્સ – કરાચીમાં મોહમ્મદ રિઝવાન
આ સાથે ગિલ ૨૫ વર્ષની ઉંમર પહેલા કોઈપણ ફ્રેન્ચાઈઝી લીગમાં સદી ફટકારનાર પ્રથમ કેપ્ટન બની ગયો છે. તમને જણાવી દઈએ કે ટી-૨૦માં ગિલની આ છઠ્ઠી સદી છે અને આઈપીએલમાં આ તેની ચોથી સદી છે. ગિલે આ સિઝનમાં આઇપીએલમાં પોતાની પ્રથમ સદી ફટકારી છે. આઇપીએલ ૨૦૨૪માં અત્યાર સુધી ગિલ ૧૨ મેચની ૧૨ ઇનિંગ્સમાં કુલ ૪૨૬ રન બનાવવામાં સફળ રહ્યો છે.