પશ્ચિમ બંગાળ સરકારને મોટી રાહત આપતાં, સુપ્રીમ કોર્ટે સ્વચ્છ શિક્ષકોને હાલ પૂરતું તેમની નોકરી ચાલુ રાખવાની મંજૂરી આપી છે. સુપ્રીમ કોર્ટે ધોરણ ૯-૧૨ ના વિદ્યાર્થીઓના હિતોને ધ્યાનમાં રાખીને આ નિર્ણય આપ્યો છે. જાકે, સુપ્રીમ કોર્ટે આ મામલે ટિપ્પણી કરતા કહ્યું છે કે કોઈપણ બિન-શિક્ષણ કર્મચારી, પછી ભલે તે કલંકિત હોય કે અન્યથા, તેને કામ કરવાની મંજૂરી આપવામાં આવશે નહીં.
સુપ્રીમ કોર્ટનો આ નિર્ણય સ્વચ્છ શિક્ષકો માટે મોટી રાહત સમાન છે. કોર્ટે કહ્યું કે વિદ્યાર્થીઓના અભ્યાસ પર અસર થવી જાઈએ નહીં. નવી પસંદગી પ્રક્રિયા પૂર્ણ ન થાય ત્યાં સુધી શિક્ષકોને ચાલુ રાખવાની મંજૂરી સુપ્રીમ કોર્ટે આપી છે. કોર્ટે કહ્યું કે સ્વચ્છ સહાયક શિક્ષકો માટે આ આદેશ પસાર કરવા માટે અમને પ્રેરણા મળી કે આ કોર્ટ દ્વારા પસાર કરાયેલા આદેશથી અભ્યાસ કરતા વિદ્યાર્થીઓને તકલીફ ન પડે.
આ મામલે ટિપ્પણી કરતી વખતે કોર્ટે એક શરત પણ લગાવી છે. કોર્ટે કહ્યું કે નવી ભરતી માટેની જાહેરાત ૩૧ મે સુધીમાં બહાર પાડવામાં આવશે અને પરીક્ષા સહિતની સમગ્ર પ્રક્રિયા ૩૧ ડિસેમ્બર સુધીમાં પૂર્ણ કરવામાં આવશે. રાજ્ય સરકાર અને કમિશન ૩૧ મેના રોજ અથવા તે પહેલાં એક સોગંદનામું દાખલ કરશે, જેમાં જાહેરાત તેમજ કાર્યક્રમની નકલ જાડવામાં આવશે. ભરતી પ્રક્રિયા ૩૧ ડિસેમ્બર સુધીમાં પૂર્ણ કરવા માટે કહેવામાં આવ્યું છે. જા સૂચનાઓ મુજબ જાહેરાત પ્રકાશિત નહીં થાય, તો દંડ લાદવા સહિત યોગ્ય આદેશો પસાર કરવામાં આવશે. પશ્ચિમ બંગાળ માધ્યમિક શિક્ષણ બોર્ડે સુપ્રીમ કોર્ટમાં એક અરજી દાખલ કરી છે જેમાં વિનંતી કરવામાં આવી છે કે બરતરફ કરાયેલા કર્મચારીઓને શૈક્ષણિક વર્ષના અંત સુધી અથવા નવી ભરતી પ્રક્રિયા પૂર્ણ થાય ત્યાં સુધી, જે પણ વહેલું હોય ત્યાં સુધી તેમની નોકરી પર ચાલુ રહેવાની મંજૂરી આપવામાં આવે.
