પાકિસ્તાનના ભૂતપૂર્વ વડા પ્રધાન ઇમરાન ખાને પહેલગામમાં થયેલા આતંકવાદી હુમલા અંગે નિવેદન આપ્યું છે. ખાને આતંકવાદી હુમલાને ‘અત્યંત ખલેલ પહોંચાડનારો અને દુઃખદ’ ગણાવ્યો. આ દરમિયાન, પાકિસ્તાનના ભૂતપૂર્વ વડા પ્રધાને પણ કહ્યું છે કે ભારતે જવાબદારીપૂર્વક કામ કરવાની જરૂર છે. ઈમરાન ખાન હાલમાં ભ્રષ્ટાચારના આરોપમાં જેલમાં છે.
“પહલગામ ઘટનામાં થયેલા જાનહાનિ અત્યંત ચિંતાજનક અને દુઃખદ છે. હું પીડિતો અને તેમના પરિવારો પ્રત્યે મારી ઊંડી સંવેદના વ્યક્ત કરું છું,” ખાને સોશિયલ મીડિયા પ્લેટફોર્મ ઠ પર એક પોસ્ટમાં કહ્યું. તેમણે કહ્યું, “જ્યારે પુલવામા ઘટના બની, ત્યારે અમે ભારતને તમામ શક્ય સહાયની ઓફર કરી હતી, પરંતુ ભારત કોઈ નક્કર પુરાવા આપવામાં નિષ્ફળ ગયું. જેમ મેં ૨૦૧૯ માં આગાહી કરી હતી, પહલગામ ઘટના પછી ફરીથી એ જ થઈ રહ્યું છે. આત્મનિરીક્ષણ અને તપાસને બદલે, મોદી સરકાર ફરીથી પાકિસ્તાન પર દોષારોપણ કરી રહી છે.”
ઇમરાન ખાને કહ્યું કે ૧.૫ અબજ લોકોનો દેશ હોવાને કારણે, ભારતે ગડબડ કરવાને બદલે જવાબદારીપૂર્વક કાર્ય કરવાની જરૂર છે. “શાંતિ આપણી પ્રાથમિકતા છે, પરંતુ તેને કાયરતા ન સમજવી જોઈએ. પાકિસ્તાન પાસે કોઈપણ ભારતીય આક્રમણનો યોગ્ય જવાબ આપવાની સંપૂર્ણ ક્ષમતા છે, જેમ કે મારી સરકારે, સમગ્ર રાષ્ટ્રના સમર્થનથી, ૨૦૧૯ માં કર્યું હતું. મેં હંમેશા કાશ્મીરીઓના સ્વ-નિર્ણયના અધિકારના મહત્વ પર ભાર મૂકયો છે, જે યુએન ઠરાવો દ્વારા ગેરંટી આપવામાં આવ્યો છે,” ખાને કહ્યું.
