રાજ્યમાં ફરી એકવાર અકસ્માતની ચોંકાવનારી ઘટના સામે આવી છે. વાસ્તવમાં વલસાડના ધરમપુરમાં વધુ એક હિટ એન્ડ રનની ઘટના બની છે. રાત્રિના સમયે પૂરપાટ ઝડપે આવતા કારચાલકે બાઇકને એડફેટે લીધું હતું. જોકે કારનો ચાલક બાઇકને અડફેટે લીધા બાદ ફૂલ સ્પીડમાં નાસી છૂટ્યો હતો. આ દર્દનાક અકસ્માતમાં બાઇક સવારનું મોત થયું છે. આ સમગ્ર ઘટના નજીકમાં લગાવેલ સીસીટીવી કેમેરામાં કેદ થઈ છે.
વલસાડ જિલ્લાના ધરમપુર તાલુકાના રાજમહેલ રોડ પર એક દર્દનાક અકસ્માતની ઘટના બની છે. વિગતો મુજબ રાત્રિના સમયે કાર ચાલકે બાઇક સવારને ઉડાવ્યો હતો. પુરપાટ ઝડપે આવી રહેલ કાર ચાલકે બાઇક ચાલકને ઉડાવી દીધા બાદ ગંભીર ઇજાઓને કારણે યુવકનું કરૂણ મોત થયું છે. આ સમગ્ર ઘટનાના સીસીટીવી સામે આવ્યા બાદ પોલીસ CCTV વીડિયોને આધારે ફરાર કાર ચાલકને શોધવા કવાયત શરૂ કરી છે.
