વેસ્ટ ઈન્ડિઝના ભૂતપૂર્વ ઓલરાઉન્ડર બર્નાર્ડ જુલિયનનું ૭૫ વર્ષની વયે ત્રિનિદાદના ઉત્તરીય શહેર વાલ્સેનમાં અવસાન થયું છે. જુલિયન ૧૯૭૫માં પહેલી વાર વર્લ્ડ કપ જીતનારી વેસ્ટ ઈન્ડિઝ ટીમનો ભાગ હતો. તેણે પોતાની કારકિર્દી દરમિયાન ૨૪ ટેસ્ટ અને ૧૨ વનડેમાં કેરેબિયન ટીમનું પ્રતિનિધિત્વ કર્યું. તેણે આંતરરાષ્ટ્રીય ક્રિકેટમાં ૬૮ વિકેટ લીધી અને બેટથી ૯૫૨ રન બનાવ્યા.
જુલિયને ૧૯૭૫માં પહેલા વનડે વર્લ્ડ કપમાં શાનદાર પ્રદર્શન કર્યું. તેણે શ્રીલંકા સામે ૨૦ રન આપીને ૪ વિકેટ લીધી, પછી સેમિફાઇનલમાં ન્યુઝીલેન્ડ સામે ઘાતક બોલિંગ કરી, ૨૭ રન આપીને ૪ વિકેટ લીધી. ઓસ્ટ્રેલિયા સામેની ફાઇનલમાં, તેણે ૩૭ બોલમાં ૨૬ રનની ઉપયોગી ઇનિંગ રમી. આ ટુર્નામેન્ટે તેને એક ખતરનાક ઓલરાઉન્ડર તરીકે સ્થાપિત કર્યો, જે તેના ડાબા હાથના સીમ, આક્રમક બેટિંગ અને ચપળ ફિલ્ડિંગ માટે જાણીતો હતો.
તેને યાદ કરતાં, વેસ્ટ ઈન્ડિઝના દિગ્ગજ કેપ્ટન ક્લાઈવ લોયડે કહ્યું, “તેણે હંમેશા પોતાનું ૧૦૦ ટકા આપ્યું. તે બેટ અને બોલ બંનેથી વિશ્વસનીય ખેલાડી હતો. તેણે દરેક મેચમાં પોતાનું સર્વસ્વ આપ્યું. તે એક તેજસ્વી ક્રિકેટર હતો.” જુલિયનની ટેસ્ટ કારકિર્દી પણ યાદગાર રહી. ૧૯૭૩માં, તેણે લોર્ડ્સમાં ઈંગ્લેન્ડ સામે ૧૨૧ રનની મેચવિનિંગ ઇનિંગ રમી, અને પછીના વર્ષે, તેણે તે જ ટીમ સામે પાંચ વિકેટ પણ લીધી. લોયડે આગળ કહ્યું, “અમને બધાને તેના માટે ખૂબ માન હતું. તે રમુજી અને મૈત્રીપૂર્ણ હતો. લોર્ડ્સમાં જીત પછી, અમે ચાહકો માટે ઓટોગ્રાફ પર સહી કરવામાં લાંબો સમય વિતાવ્યો. જુલિયનનું દરેક જગ્યાએ સન્માન કરવામાં આવતું હતું.” તે ૧૯૭૦ થી ૧૯૭૭ દરમિયાન ઇંગ્લિશ કાઉન્ટી ટીમ, કેન્ટ માટે પણ રમ્યો. જાકે, ૧૯૮૨-૮૩માં જ્યારે તેણે દક્ષિણ આફ્રિકાનો પ્રવાસ કર્યો ત્યારે તેની આંતરરાષ્ટ્રીય કારકિર્દીનો અંત
આભાર – નિહારીકા રવિયા આવ્યો. તે સમયે, દક્ષિણ આફ્રિકામાં રંગભેદ ચરમસીમાએ હતો. તે દક્ષિણ આફ્રિકાનો પ્રવાસ કરનાર બળવાખોર વેસ્ટ ઈન્ડિઝ ટીમનો ભાગ હતો.
વેસ્ટ ઇન્ડીઝ ક્રિકેટ બોર્ડના પ્રમુખ ડા. કિશોર શેલોએ એક નિવેદન બહાર પાડીને કહ્યું, “બર્નાર્ડ જુલિયનનું સન્માન કરતી વખતે, આપણે તે સમયગાળાની ઘટનાઓને સમજણથી જાવી જાઈએ, બાકાત રાખીને નહીં. અમે તેમના પરિવાર અને પ્રિયજનો પ્રત્યે અમારી ઊંડી સંવેદના વ્યક્ત કરીએ છીએ. ક્રિકેટ વેસ્ટ ઇન્ડીઝ હંમેશા તેમના યોગદાનને યાદ રાખશે.” તેમણે જે વારસો છોડી દીધો છે તે હંમેશા જીવંત રહેશે.
