(એ.આર.એલ),નવીદિલ્હી,તા.૮
ઉત્તર-પૂર્વ ભારતમાં વરસાદ અને પૂરે તબાહી મચાવી છે. અહીંની નદીઓ તણાઈ રહી છે, પાણીનું સ્તર સતત વધી રહ્યું છે. સ્થતિ એવા તબક્કે પહોંચી ગઈ છે કે રાજ્યના ૩૦ જિલ્લાઓમાં લગભગ ૨૪.૫ લાખ લોકો આ પૂરની ઝપેટમાં છે.ઉત્તર પ્રદેશમાં ૨૪ કલાકમાં વરસાદને કારણે ૧૩ લોકોના મોત થયા છે. એ જ રીતે જમ્મુમાં આખી રાત ભારે વરસાદના કારણે ૩૦ વર્ષીય મહિલાનું ડૂબી જવાથી મોત થયું હતું. સ્થતિ જાઈને કેન્દ્રીય ગૃહમંત્રી અમિત શાહે તમામ રાજ્યોના મુખ્યમંત્રીઓ સાથે ટેલિફોન પર વાત કરી હતી.
તેમણે આસામના મુખ્યમંત્રી હિમંતા વિશ્વ શર્માને કેન્દ્રીય મદદની ખાતરી પણ આપી હતી. કહ્યું કે એનડીઆરએફ અને એસડીઆરએફ રાહત કાર્યમાં લાગેલા છે. રિપોર્ટ અનુસાર સમગ્ર આસામ રાજ્ય ગંભીર પૂરની ઝપેટમાં છે. રાજ્યના કચર, કામરૂપ, ધુબરી, નાગાંવ, ગોલપારા, બરપેટા, ડિબ્રુગઢ, બોંગાઈગાંવ, લખીમપુર, જારહાટ, કોકરાઝાર, કરીમગંજ, કામરૂપ (મેટ્રોપોલિટન), કામરૂપ અને ડિબ્રુગઢ અને તિનસુકિયા વગેરે જિલ્લાઓમાં વાહનવ્યવહાર ઠપ છે. લોકોના ઘરોમાં પણ પાણી ઘુસી ગયા છે.આ રાજ્યમાં પૂરના કારણે અત્યાર સુધીમાં ૫૨ લોકોના મોત થયા છે. તે જ સમયે, વરસાદ અને વાવાઝોડાને કારણે થયેલા ભૂસ્ખલનમાં ૧૨ લોકોએ જીવ ગુમાવ્યા છે. સરકારી અહેવાલ મુજબ રાજ્યમાં હાલ બ્રહ્મપુત્રા નદીમાં ઉછાળો છે. આ નદી હાલમાં નિમતીઘાટ, ગુવાહાટી, ગોલપારા અને ધુબરી વગેરે વિસ્તારોમાં તબાહી મચાવી રહી છે. બરાક નદી અને તેની સહાયક નદીઓ પણ ઘણી જગ્યાએ ખતરાના નિશાનથી ઉપર વહી રહી છે. કાઝીરંગા નેશનલ પાર્કના અધિકારીના જણાવ્યા અનુસાર અહીં આવેલા વિનાશક પૂરના કારણે અત્યાર સુધીમાં ૧૧૪ જંગલી પ્રાણીઓના પણ મોત થયા છે.બીજી તરફ બિહારના પૂર્વ અને પશ્ચિમ ચંપારણ જિલ્લામાં નીચાણવાળા વિસ્તારોમાં રહેતા લોકોને સલામત સ્થળે ખસેડવામાં આવ્યા છે. અધિકારીઓના જણાવ્યા અનુસાર નદીઓમાં પાણીના પ્રવાહમાં વધારો થવાને કારણે ડેમોમાં પણ પાણીના સ્તરમાં નોંધપાત્ર વધારો થયો છે. રિપોર્ટ અનુસાર સુપૌલ અને તેની આસપાસના વિસ્તાર બસંતપુરમાં કોસી નદી ખતરાના નિશાનથી ઉપર વહી રહી છે. ખાગરિયા, મધુબની, જયનગર, ઝાંઝરપુર અને બેલદૌરમાં નદીએ શુક્રવારે ચેતવણીનું સ્તર પણ વટાવી દીધું હતું. શુક્રવારના રોજ અરરિયા જિલ્લામાં પણ આવી જ Âસ્થતિ જાવા મળી હતી.યુપીની પરમાન નદી ખતરાના નિશાનથી ઉપર ગઈ છે. તે જ સમયે, ગોપાલગંજ અને સિધવાલિયામાં ગંડક પણ તેના ઉગ્ર સ્વરૂપમાં જાવા મળે છે. અહીં ભારે વરસાદને કારણે ઉત્તર પ્રદેશ અને જમ્મુ-કાશ્મીરમાં છેલ્લા ૨૪ કલાકમાં ૧૪ લોકોના મોત થયા છે. એકલા ઉત્તર પ્રદેશમાં ફતેહપુર, રાયબરેલી, મૈનપુરી, બુલંદશહેર, કન્નૌજ, કૌશામ્બી, ફિરોઝાબાદ, પ્રતાપગઢ અને ઉન્નાવમાં ૧૩ લોકોના મોત થયા છે. જ્યારે જમ્મુમાં એક મહિલાનું મોત થયું હતું. અહેવાલ મુજબ છેલ્લા ૨૪ કલાકમાં સરેરાશ ૧૮.૩ મીમી વરસાદ થયો છે. તેવી જ રીતે હિમાચલ પ્રદેશના કાંગડા, ધર્મશાલા અને પાલમપુરમાં ૨૦૦ મીમીથી વધુ વરસાદ થયો છે.
જેના કારણે ૧૫૦થી વધુ રસ્તાઓ ખોરવાઈ ગયા છે. તેમાં મંડીના ૧૧૧, સિરમૌરના ૧૩, શિમલાના ૯ અને ચંબા અને કુલ્લુના ૮-૮ રસ્તાઓનો સમાવેશ થાય છે. તેવી જ રીતે, વરસાદને કારણે ૩૩૪ ટ્રાન્સફોર્મર ક્ષતિગ્રસ્ત થયા છે, જ્યારે ૫૫ પાણી પુરવઠા યોજનાઓ પણ અટકી પડી છે. ધર્મશાળામાં સૌથી વધુ ૨૧૪.૬ મીમી વરસાદ થયો છે. જ્યારે પાલમપુરમાં ૨૧૨.૪ મીમી અને જાગેન્દ્રનગરમાં ૧૬૯ મીમી વરસાદ નોંધાયો છે. હવામાન વિભાગે ૧૨ જુલાઈએ શિમલામાં અલગ-અલગ સ્થળોએ આંધી અને વીજળી પડવાની ચેતવણી આપી છે. બીજી તરફ રાજસ્થાનમાં પણ ભારે વરસાદ શરૂ થયો છે. રાજ્યના બારાન જિલ્લામાં ૨૪ કલાકમાં ૧૯૫ મિમી વરસાદ નોંધાયો છે. તેવી જ રીતે જયપુર, બુંદી, કોટા, ટોંકમાં પણ ભારે વરસાદ પડી રહ્યો છે.
