(એ.આર.એલ),વડોદરા,તા.૨૬
વડોદરામાં સ્ટેટ મોનીટરીંગ સેલના અધિકારીઓને માહિતી મળી હતી કે કાપુરાઈ માં વાઘોડીયા રોડ પરિવાર ચાર રસ્તા પાસે નુર્મ આવાસ યોજનાના બ્લોક નંબર ૪, મકાન નંબર-૩માં દારૂનો જથ્થો રાખવામાં આવ્યો છે. માહિતીને આધારે એસએમસીના અધિકારીઓએ અહીં દરોડો પાડ્યો હતો. જેમાં મકાનમાંથી રૂ.૯,૦૬,૯૦૦ ની કિંમતની ૩૩૪૮ વિદેશી દારૂની બોટલો મળી આવી હતી. તે સિવાય પોલીસે ૯ મોબાઈલ, ૩ વાહનો અને રોકડ રકમ મળીને કુલ રૂ. ૧૫,૫૮,૬૦૦ ની કિંમતનો મુદ્દામાલ કબજે કર્યો હતો.આ કેસમાં પોલીસે દારૂની ગાડી મંગાવનારા અને વેચનારા નુ્મ આવાસમાં રહેતા ભાવેશ સી.રાજપુત, નિરવ બી.પટેલ, ડ્રાઈવર કેતન જે.રાઠોડ, દારૂ લેવા આવનાર ગ્રાહક આતીશ વી.ઠાકોર અને જયેશ આઈ કહારની ધરપકડ કરી હતી. જ્યારે છ આરોપી ફરાર છે જેમની પોલીસ શોધ ચલાવી રહી છે.
