છેલ્લા ત્રણ દિવસથી વડિયામાં સાંજે ધોધમાર વરસાદ વરસી રહ્યો છે, જેના કારણે સુરવો ડેમમાં ૭૫% નવા પાણીની આવક થઈ હતી. આજે સાંજે ૬ થી ૭ વાગ્યાની વચ્ચે એક કલાકમાં બે ઇંચથી વધુ વરસાદ નોંધાયો હતો, જેનાથી વડિયાના બજારોમાં પાણી ભરાયા હતા. ઉપરવાસના ગામડાઓ જેવા કે રામપુર, તોરી, અરજનસુખ, ખાન ખીજડીયા, અને મોરવાડામાં પણ ભારે વરસાદ થયો, જેના પરિણામે સુરવો ડેમમાં પાણીની આવક ખૂબ વધી ગઈ. ડેમ સંપૂર્ણ ભરાઈ ગયા બાદ પણ પાણીની આવક ચાલુ રહેતા, વડિયા, ચારણીયા, ચરણ સમઢીયાળા અને થાણા ગાલોલ ગામના લોકોને સાવચેત કરવામાં આવ્યા. ડેમના ત્રણ દરવાજા એક ફૂટ ખોલવામાં આવતા, સુરવો નદી બે કાંઠે વહેવા લાગી. મેઘા નક્ષત્રમાં આવેલા આ વરસાદથી વડિયા વિસ્તારની પાણીની સમસ્યાનો અંત આવ્યો છે અને ખેડૂતોમાં પણ આનંદનો માહોલ છે
