લોકસભા ચૂંટણીની વ્યસ્તતા વચ્ચે વડાપ્રધાન નરેન્દ્ર મોદીની ૨૧-૨૨ માર્ચના રોજની ભૂતાન મુલાકાત ખૂબ જ મહ¥વપૂર્ણ માનવામાં આવી રહી છે. આને ભૂતાનની નવી સરકાર સાથેના સંબંધોને ગાઢ બનાવવાના પ્રયાસ તરીકે જાવામાં આવી રહ્યા છે. આ મુલાકાત ચીન માટે પણ એક સંદેશ હશે, જે ભારતના પડોશી દેશોમાં પોતાનું વર્ચસ્વ વધારવા સતત પ્રયાસ કરી રહ્યું છે.
ચીન સાથેના તણાવના સમયમાં ભૂતાન ભારત માટે મહત્વનું સ્થાન ધરાવે છે. ભૂટાનનો એક ભાગ ચીન અને ભારત વચ્ચે આવેલો છે, તેથી તે ભારત માટે બફર રાજ્ય તરીકે કામ કરે છે. તાજેતરના વર્ષોમાં ચીને પણ ત્યાં પોતાની દખલગીરી વધારવાનો પ્રયાસ કર્યો છે. ડોકલામ ઘટના તેનું સૌથી મોટું ઉદાહરણ છે. અગાઉની સરકારના કાર્યકાળમાં ચીન અને ભૂતાન વચ્ચે સરહદ કરાર પણ થયો હતો. ભારત આ ગતિવિધિઓ પર નજીકથી નજર રાખી રહ્યું છે.
વાસ્તવમાં,પીડીપી(પીપલ્સ ડેમોક્રેટિક પાર્ટી)એ ભૂતાનમાં જાન્યુઆરીમાં યોજાયેલી ચૂંટણીમાં જીત મેળવી છે અને શેરિંગ તોબગે વડાપ્રધાન બન્યા છે. ઉલ્લેખનીય છે કે વડાપ્રધાન બન્યા બાદ તેમણે સૌથી પહેલું કામ ભારતની મુલાકાત લેવાનું નક્કી કર્યું હતું. તેઓ ૧૮ માર્ચ સુધી ભારતની મુલાકાતે છે. ગુરુવારે જ્યારે વડાપ્રધાન મોદીને ભૂતાનની મુલાકાત લેવાનું આમંત્રણ આપવામાં આવ્યું તો તેમણે તરત જ તેનો સ્વીકાર કરી લીધો.
એવું માનવામાં આવે છે કે આ મુલાકાત દ્વારા મોદી જ્યાં ભૂટાન સાથેના સંબંધોને ગાઢ બનાવશે, ત્યાં જ તેઓ ચીનને સ્પષ્ટ સંદેશ આપવાનો પણ પ્રયાસ કરશે કે ભારત એશિયામાં તેના પાડોશી દેશો સાથે મજબૂત રીતે ઊભું છે. જો કે તેમના કાર્યક્રમની વિસ્તૃત વિગતો હજુ જાહેર કરવામાં આવી નથી, પરંતુ આ સમયગાળા દરમિયાન અનેક મહ¥વના કરારો પર હસ્તાક્ષર થવાની સંભાવના છે. ૨૦૧૪માં વડાપ્રધાન બન્યા બાદ મોદીએ પહેલીવાર ભૂતાનની મુલાકાત લીધી હતી. આ પછી, ૨૦૧૯ માં પણ તે ભૂતાનની લાકાતે ગયા હતા.
