સંયુક્ત સંસદીય સમિતિના સભ્યો વકફ (સુધારા) બિલ, ૨૦૨૪ પર વિવિધ હિતધારકો સાથે અનૌપચારિક ચર્ચા કરવા માટે પાંચ રાજ્યોની મુલાકાત લેવાના છે. ૨૬ સપ્ટેમ્બરે મહારાષ્ટ્રની રાજધાની મુંબઈથી શરૂ થયેલી આ દેશવ્યાપી ચર્ચા ૧ ઓક્ટોબર સુધી ચાલશે.ચર્ચાનો ઉદ્દેશ વકફ કાયદામાં સૂચિત સુધારામાં જરૂરી સુધારા લાવવાનો છે જેના હેઠળ દેશભરમાં ૬,૦૦,૦૦૦ થી વધુ નોંધાયેલ વકફ મિલકતોનું સંચાલન કરવામાં આવે છે. જેપીસીના સભ્યો ૨૬ સપ્ટેમ્બરે મહારાષ્ટ્ર સરકાર, લઘુમતી બાબતોના મંત્રાલય અને મહારાષ્ટ્ર વક્ફ બોર્ડના પ્રતિનિધિઓને મળશે. મહારાષ્ટÙ રાજ્ય લઘુમતી આયોગ, બાર કાઉન્સીલ, વકીલ મંડળ અને મુત્તવલ્લી એસોસિએશનના સભ્યો પણ ચર્ચામાં ભાગ લેશે.
આગામી સ્ટોપમાં, ૨૭મી સપ્ટેમ્બરના રોજ અમદાવાદમાં ગુજરાત સરકાર, ગુજરાત વકફ બોર્ડ અને અન્ય મુખ્ય હિતધારકોના પ્રતિનિધિઓ સાથે વાતચીત થશે. આ પછી, સમિતિના સભ્યો ૨૮ સપ્ટેમ્બરે આંધ્રપ્રદેશ, ૨૯ સપ્ટેમ્બરે તમિલનાડુ અને ૧ ઓક્ટોબરે કર્ણાટક પહોંચશે અને વિવિધ હિતધારકો સાથે પરામર્શ કરશે. હૈદરાબાદમાં યોજાનારી ચર્ચામાં આંધ્ર અને તેલંગાણા ઉપરાંત છત્તીસગઢના પ્રતિનિધિઓ પણ હાજર રહેશે.
