ઉત્તર પ્રદેશના ગોરખપુર પહોંચેલા વડાપ્રધાન મોદીએ મંગળવારે ૯૬૦૦ કરોડ રૂપિયાની ભેટ આપી હતી. આ પ્રસંગે પીએમ મોદીએ કહ્યું કે ગોરખપુરમાં ફર્ટિલાઈઝર પ્લાન્ટ અને એઈમ્સ શરૂ થવાથી ઘણા સંકેત મળી રહ્યા છે,મોદીએ કહ્યું કે જ્યારે ડબલ એન્જિનની સરકાર હોય છે ત્યારે કામ પણ ડબલ સ્પીડથી થાય છે. ઉમદા આશયથી કામ કરવામાં આવે ત્યારે આફતો પણ અડચણ બનતી નથી. આ દરમિયાન પીએમ મોદીએ સમાજવાદી પાર્ટી પર પણ જારદાર નિશાન સાધ્યું. તેમણે કહ્યું કે લાલ ટોપીઓ ધરાવનારાઓ સત્તાના લોભી અને આતંકવાદીઓના સમર્થક છે.
વડાપ્રધાન મોદીએ કહ્યું- “લાલ ટોપી લોકો લાલ બત્તીથી ચિંતિત છે, તેમને તમારા દુઃખ સાથે કોઈ લેવાદેવા નથી. લાલ ટોપીઓ ધરાવનારાઓને સત્તાની જરૂર હોય છે, ગેરકાયદેસર વ્યવસાય માટે તેમની તિજારીઓ ભરવા માટે, આતંકવાદીઓ પ્રત્યે દયા બતાવવા માટે,વધુમાં તેમણે કહ્યું યુરિયા માટે લાઈનમાં ઉભા રહેવુ પડતું હતું , અગાઉની સરકારોમાં ફેક્ટરીઓ બંધ હતી. અમે યુરિયાનું ઉત્પાદન વધાર્યું. પીએમ મોદીએ કહ્યું કે જે રીતે ભાગીરથી ગંગા લાવી હતી, તે જ રીતે આ ખાતરમાં ઈંધણ લાવવા માટે ઉર્જા ગંગા લાવવામાં આવી છે. પીએમ ઉર્જા ગંગા ગેસ પાઇપલાઇન હેઠળ હÂલ્દયાથી જગદીશપુર સુધી પાઇપલાઇન નાખવામાં આવી છે. આ પાઈપલાઈનના કારણે માત્ર ગોરખપુરની પાઈપલાઈન શરૂ થઈ નથી પરંતુ અન્ય ભાગોમાં પણ સસ્તો ગેસ મળવાનો શરૂ થઈ ગયો છે.
પીએમ મોદીએ ગોરખપુરમાં રિમોટ બટન દબાવીને ગોરખપુર ફર્ટિલાઈઝર ફેક્ટરી અને ઓલ ઈન્ડીયા ઈન્સ્ટિટ્યૂટ ઓફ મેડિકલ સાયન્સ અને રિજનલ મેડિકલ રિસર્ચ સેન્ટરનું ઉદ્ઘાટન કર્યું. આ પહેલા ગોરખપુર પહોંચેલા પીએમ મોદીનું રાજ્યના મુખ્યમંત્રી યોગી આદિત્યનાથે ઉષ્માભર્યું સ્વાગત કર્યું હતું. આ અવસર પર સીએમ યોગીએ કોરોનાના મેનેજમેન્ટ માટે પીએમ મોદીના વખાણ કર્યા અને કહ્યું કે દુનિયા આની પ્રશંસા કરી રહી છે
