લીલીયા તાલુકાના પુતળીયા ગામમાં ઘર્ષણનો કેસ સામે આવ્યો છે. ગામના સરપંચ જસુબેન મુળજીભાઈ સારિકડાએ જણાવ્યું કે વિશાલ શાંતિભાઈ ધાનાણી, જે ગામમાં ગ્રામ પંચાયતનો સભ્ય છે અને દારૂ પીવાની ટેવ ધરાવે છે, લાલાવદર ખાતે જઈ પોતાના વિષે ખોટી ઓળખ આપી પોતાને સરપંચ ગણાવતા ગામમાં ગેરકાયદેસર વર્તન કરે છે. વિશાલ ધાનાણી લોકોને ધમકી આપે છે અને ખોટી રીતે પદનો ઉપયોગ કરે છે, જેથી ગામમાં અરાજકતા સર્જાઈ રહી છે. સરપંચ જસુબેન મુળજીભાઈએ તાલુકા વિકાસ અધિકારીને પત્ર પાઠવી નોંધાવ્યું છે કે પંચાયતની કલમ મુજબ વિશાલને તરત જ સભ્યપદ પરથી ગેરલાયક ઠેરવવા અને કડક કાર્યવાહી કરવાની કાર્યવાહી કરવામાં આવે. સાથે ગેરકાયદેસર વર્તનના વીડિયો પુરાવા પણ રજૂ કરવામાં આવ્યા છે. આ મામલે અધિકારીઓને તપાસ હાથ ધરવા અને યોગ્ય પગલાં લેવા વિનંતી કરવામાં આવી છે. આ અંગે ગામમાં ગંભીર ચિંતાનો માહોલ જોવા મળ્યો છે.
