વડા પ્રધાન નરેન્દ્ર મોદી અને ફિનિશ રાષ્ટ્રપતિ એલેક્ઝાન્ડર સ્ટબ બંને દેશો વચ્ચે એમઓયુનું વિનિમય કરવા માટે હૈદરાબાદ હાઉસ ખાતે હાજર હતા. આ પહેલા ફિનિશ રાષ્ટÙપતિ એલેક્ઝાન્ડર સ્ટબ સાથે પ્રતિનિધિમંડળ સ્તરની વાટાઘાટો થઈ હતી.
રાયસીના સંવાદ ૨૦૨૬ ને સંબોધતા, વડા પ્રધાન નરેન્દ્ર મોદીએ યુક્રેન અને યુએસ-ઇઝરાયલ-ઈરાન યુદ્ધોનો વહેલા અંત લાવવા હાકલ કરી. તેમણે ભાર મૂક્્યો કે સંવાદ અને રાજદ્વારી જ સંઘર્ષોને ઉકેલવાનો એકમાત્ર રસ્તો છે.
ફિનિશ રાષ્ટ્રપતિ એલેક્ઝાન્ડર સ્ટબ સાથે સંયુક્ત પ્રેસ રિલીઝમાં, વડા પ્રધાન નરેન્દ્ર મોદીએ કહ્યું, “સ્વસ્થ ગ્રહ અમારી સહિયારી પ્રાથમિકતા છે. અમને આનંદ છે કે આ વર્ષે, ફિનલેન્ડ સાથે મળીને, અમે ભારતમાં વર્લ્ડ સર્ક્યુલર ઇકોનોમી ફોરમનું આયોજન કરીશું. આ અમારા ટકાઉ વિકાસ પ્રયાસોને નવી ગતિ અને નવા વિચારો આપશે.” ભારત અને ફિનલેન્ડ બંને કાયદાના શાસન, સંવાદ અને રાજદ્વારીમાં માને છે.
પીએમ મોદીએ વધુમાં જણાવ્યું હતું કે અમે એકમત છીએ કે ફક્ત લશ્કરી સંઘર્ષ કોઈ સમસ્યાનું નિરાકરણ લાવી શકતો નથી. યુક્રેન હોય કે પશ્ચિમ એશિયા, અમે સંઘર્ષનો વહેલા અંત અને શાંતિ માટેના દરેક પ્રયાસને સમર્થન આપતા રહીશું. અમે એ પણ સંમત છીએ કે વૈશ્વિક સંસ્થાઓમાં સુધારો માત્ર જરૂરી નથી પણ વધતા જતા વૈશ્વિક પડકારોનો સામનો કરવા માટે અનિવાર્ય પણ છે, અને આતંકવાદને તેના તમામ સ્વરૂપોમાં નાબૂદ કરવો એ અમારી સહિયારી પ્રતિબદ્ધતા છે.
આ પહેલા, પીએમ મોદીએ કહ્યું હતું કે, “ફિનલેન્ડના ૧૩મા રાષ્ટ્રપતિ તરીકે ભારતની તેમની પ્રથમ મુલાકાત પર હું રાષ્ટ્રપતિ સ્ટબનું હાર્દિક સ્વાગત કરું છું. આ વર્ષના રાયસીના સંવાદના મુખ્ય મહેમાન તરીકે તમારા જેવા અનુભવી અને અનોખા નેતા હોવા અમારા માટે ખૂબ જ સન્માન અને આનંદની વાત છે.”
પીએમ મોદીએ વધુમાં કહ્યું, “ઐતિહાસિક ભારત-યુરોપિયન યુનિયન મુક્ત વેપાર કરાર ૨૦૨૬ ની શરૂઆતમાં હસ્તાક્ષર કરવામાં આવ્યો હતો. આ કરાર ભારત અને ફિનલેન્ડ વચ્ચે વેપાર, રોકાણ અને ટેકનોલોજીકલ સહયોગને વધુ મજબૂત બનાવશે. ભારત અને ફિનલેન્ડ ડિજિટલ ટેકનોલોજી, ઈન્ફ્રાસ્ટ્રક્ચર અને ટકાઉપણું જેવા ક્ષેત્રોમાં મહત્વપૂર્ણ ભાગીદાર છે. નોકિયાના મોબાઈલ ફોન અને ટેલિકોમ નેટવર્ક્સે લાખો ભારતીયોને જાડ્યા છે. ફિનિશ આર્કિટેક્ટ્સ સાથે મળીને, અમે ચેનાબ નદી પર વિશ્વનો સૌથી ઉંચો રેલ્વે પુલ બનાવ્યો છે.”
