પ્રતિબંધિત આતંકવાદી સંગઠન લશ્કર-એ-તૈયબાના બે સ્થાનિક ‘હાઈબ્રિડ’ આતંકવાદીઓની સોમવારે શ્રીનગરમાં ધરપકડ કરવામાં આવી હતી અને તેમની પાસેથી હથિયારો અને દારૂગોળો પણ મળી આવ્યા હતા. એક પોલીસ અધિકારીએ આ માહિતી આપી.
‘હાઇબ્રિડ’ આતંકવાદીઓને વાસ્તવમાં આતંકવાદી તરીકે સૂચિત કરવામાં આવતા નથી, પરંતુ આતંકવાદી ડિઝાઇન પ્રત્યે સહાનુભૂતિ ધરાવતા હોય છે અને તેઓને તેમના માસ્ટર્સ દ્વારા સોંપવામાં આવેલા કાર્ય મુજબ લક્ષ્યાંકિત હુમલાઓ કરવા માટે પૂરતી તાલીમ આપવામાં આવે છે. આતંકવાદી કૃત્ય કર્યા પછી, તેઓ સામાન્ય જીવન જીવવાનું શરૂ કરે છે અને આગામી નોકરીની રાહ જુએ છે.
કાશ્મીરના પોલીસ મહાનિરીક્ષક વિજય કુમારે ટ્‌વીટ કર્યું, “શ્રીનગર પોલીસે પ્રતિબંધિત આતંકવાદી સંગઠન લશ્કર-એ-તૈયબા ટીઆરએફના બે સ્થાનિક હાઇબ્રિડ આતંકવાદીઓની ધરપકડ કરી છે. તેમની પાસેથી ગુનાહિત સામગ્રી, ૧૫ પિસ્તોલ, ૩૦ મેગેઝીન, ૩૦૦ ગોળીઓ અને એક સાયલેન્સર સહિત અનેક હથિયારો અને દારૂગોળો મળી આવ્યો છે.
તેમણે કહ્યું કે ટીઆરએફ અથવા ‘ધ રેઝિસ્ટન્સ ફ્રન્ટ’ એ લશ્કર સાથે જોડાયેલી સંસ્થા છે. કુમારે કહ્યું કે કેસ નોંધવામાં આવ્યો છે અને તપાસ ચાલી રહી છે. “પોલીસ માટે આ એક મોટી સફળતા છે,”