અફઘાનિસ્તાન સામેની ૩ મેચની ટી ૨૦ શ્રેણી માટે ટીમ ઇન્ડિયાની જાહેરાત કરવામાં આવી છે. વર્લ્ડ કપ ૨૦૨૩ પછી કદાચ દરેક આ શ્રેણી માટે ટીમની પસંદગીની સૌથી વધુ રાહ જોઈ રહ્યા હતા. કારણ હતું રોહિત શર્મા અને વિરાટ કોહલી. સવાલ એ હતો કે શું ટી ૨૦ સિરીઝમાં આ બે મહાન ખેલાડીઓની પસંદગી થશે?
બીસીસીઆઇ દ્વારા ટીમ ઇન્ડિયાની જાહેરાત કરવામાં આવ્યા બાદ આ સવાલનો જવાબ મળી ગયો હતો. રોહિત અને વિરાટ બંને ટી ૨૦ ટીમમાં પરત ફર્યા છે. સ્વાભાવિક રીતે, આનાથી રોહિત અને વિરાટના ચાહકો ખુશ થશે પરંતુ સાથે જ પ્રશ્ન એ પણ છે કે જો રોહિત અને વિરાટ પુનરાગમન કરી શકે છે તો કેએલ રાહુલ કેમ નહીં?અજીત અગરકરની આગેવાની હેઠળની બીસીસીઆઇ વરિષ્ઠ પસંદગી સમિતિ માટે આ શ્રેણી માટે ટીમની પસંદગી ઘણી પડકારજનક હતી. સૌથી મોટો સવાલ રોહિત અને કોહલીના રમવાનો હતો. ૨૦ વર્લ્ડ કપ ૨૦૨૨ની સેમિ ફાઈનલ બાદથી બંને દિગ્ગજાએ આ ફોર્મેટમાં કોઈ મેચ રમી નથી. છેલ્લા એક વર્ષમાં બંને ટીમ મેનેજમેન્ટે યુવા ખેલાડીઓને મહત્તમ તકો આપી અને એવું લાગતું હતું કે પરિવર્તનની શરૂઆત થઈ ગઈ છે પરંતુ વર્તમાન ટીમને જોઈને આ ગેરસમજ દૂર થઈ ગઈ.
રોહિત અને કોહલી ઉપરાંત કેએલ રાહુલને પણ ૨૦૨૨ની ટીમમાં સામેલ કરવામાં આવ્યો હતો અને તેણે પણ તે સેમિ ફાઈનલ બાદથી એકપણ ટી ૨૦ મેચ રમી નથી. ટોપ ઓર્ડરમાં રાહુલ, રોહિત અને કોહલીની ધીમી બેટિંગના કારણે તેમને હટાવવાની માંગ ઉઠી હતી. એક વર્ષ સુધી આવું થતું રહ્યું પરંતુ હવે વિરાટ અને રોહિત પરત ફર્યા છે. જ્યારે રાહુલને હજુ પણ બહાર રાખવામાં આવ્યો છે અને આનાથી સવાલો ઉભા થયા છે કે ત્રણેય સામે એક જ સ્ટેન્ડ કેમ લેવામાં આવ્યું નથી? જો રોહિત અને વિરાટને તક મળી શકે છે તો રાહુલને કેમ નહીં? જ્યાં સુધી રેકોર્ડની વાત છે, અહીં પણ કેએલ રાહુલ કોહલી અને રોહિતની સરખામણીમાં ઘણો પાછળ છે. જા કે તેની કરિયર પણ આ બે સ્ટાર્સ કરતા ટૂંકી રહી છે. કોહલીએ ૧૧૫ ટી ૨૦ આંતરરાષ્ટ્રીય મેચોમાં ૪૦૦૮ રન બનાવ્યા છે, રોહિતે ૧૪૮ મેચમાં ૩૮૫૩ રન બનાવ્યા છે અને રાહુલે ૭૨ મેચોમાં ૨૨૬૫ રન બનાવ્યા છે. જોકે, ટી ૨૦માં સૌથી મહત્વની બાબત છે સ્ટ્રાઈક રેટ અને આ ત્રણેય વચ્ચે બહુ ફરક નથી. કોહલીનો સ્ટ્રાઈક રેટ ૧૩૭.૯૬ છે, જ્યારે રોહિતનો ૧૩૯.૨૪ અને રાહુલનો ૧૩૯.૧૨ છે.આવી સ્થિતિમાં રાહુલની પસંદગી ન થવી સમજની બહાર છે. ખાસ કરીને વર્તમાન સંજાગોમાં કેએલ રાહુલનું મહત્વ વધતું જણાઈ રહ્યું છે, જ્યારે તે મિડલ ઓર્ડરમાં વિકેટકીપર-બેટ્સમેનની ભૂમિકા ભજવી રહ્યો છે. અહીં તે ટીમના સંચાલનની સાથે ફિનિશરની ભૂમિકા પણ નિભાવી શકે છે. તેના તાજેતરના ફોર્મને જોતા પણ રાહુલનો દાવો ઓછો થતો નથી. તેણે વર્લ્ડ કપમાં પણ શાનદાર પ્રદર્શન કર્યું હતું અને ૬૨ બોલમાં ઝડપી સદી ફટકારી હતી. ત્યારબાદ તેણે દક્ષિણ આફ્રિકા સામેની ટેસ્ટ શ્રેણીમાં પણ શાનદાર સદી ફટકારી હતી.આ ત્રણેય ખેલાડીઓ તેમની ક્ષમતા કરતા તેમની પ્રતિષ્ઠાનો મુદ્દો વધુ લાગે છે. જો આપણે તેમની એકંદર કારકિર્દી પર નજર કરીએ તો, રાહુલ ન તો વિરાટ અને રોહિતના કદનો ખેલાડી છે, ન તો તેની પાસે આ બે દિગ્ગજાની જેમ ફેન ફોલોઈંગ અને માર્કેટ વેલ્યુ છે. આવી સ્થિતિમાં, રોહિત અને વિરાટને ટીમમાં રાખવા માટે, તેમના પ્રદર્શન સિવાય બ્રોડકાસ્ટર્સ અને સ્પોન્સર્સ જેવા મુદ્દાઓનું પણ ધ્યાન રાખવું જરૂરી છે.અહેવાલ મુજબ, બીસીસીઆઈના એક પૂર્વ પસંદગીકારે પણ કહ્યું હતું કે રોહિત અને કોહલીની પસંદગીમાં આ પરિબળો પણ ખૂબ જ મહત્વપૂર્ણ છે. રાહુલ આ મામલામાં પાછળ દેખાઈ રહ્યો છે
