ટીમ ઇન્ડિયાના વનડે ફોર્મેટમાં બે દિગ્ગજ બેટ્સમેન, વિરાટ કોહલી અને રોહિત શર્મા, ૧૯ ઓક્ટોબરથી ઓસ્ટ્રેલિયા સામેની વનડે શ્રેણીમાં રમતા જાવા મળશે. રોહિત અને વિરાટ ટી ૨૦ આંતરરાષ્ટ્રીય અને ટેસ્ટ ક્રિકેટમાંથી નિવૃત્તિ લઈ ચૂક્યા છે. દરેકના મનમાં સૌથી મોટો પ્રશ્ન એ છે કે બંને ખેલાડીઓ વનડે ફોર્મેટમાં કેટલો સમય રમતા રહેશે. એક મોટો પ્રશ્ન એ છે કે શું આ બંને ખેલાડીઓ ૨૦૨૭ ના વનડે વર્લ્ડ કપમાં રમશે. ટીમ ઇન્ડિયાના ભૂતપૂર્વ મુખ્ય કોચ રવિ શા†ીએ આ મુદ્દા પર એક મહત્વપૂર્ણ નિવેદન આપ્યું છે.શાસ્ત્રી માને છે કે વિરાટ કોહલી અને રોહિત શર્માની ૨૦૨૭ ના વનડે વર્લ્ડ કપમાં રમવાની તકો બંને ખેલાડીઓના ફોર્મ, ફિટનેસ અને જુસ્સા પર આધારિત છે, અને ઓસ્ટ્રેલિયા સામેની આગામી શ્રેણી આ પાસાઓની મહત્વપૂર્ણ કસોટી હશે. તેમણે એમ પણ કહ્યું કે આ બંને અનુભવી ખેલાડીઓએ વનડે ટીમમાં પોતાનું સ્થાન સુરક્ષિત કરવા માટે ઓસ્ટ્રેલિયા સામે મજબૂત પ્રદર્શન કરવાની જરૂર પડશે. ઓસ્ટ્રેલિયા સામેની વનડે શ્રેણી ૧૯ ઓક્ટોબરથી પર્થમાં શરૂ થશે.કાયા સ્પોર્ટ્સના “સમર ઓફ ક્રિકેટ લોન્ચ ઇવેન્ટ” માં શાસ્ત્રીએ કહ્યું કે આ જ કારણ છે કે તેઓ અહીં છે (ઓસ્ટ્રેલિયા સામે વનડે શ્રેણી રમી રહ્યા છે). તેમણે વધુમાં જણાવ્યું હતું કે તેઓ આ ટીમ કોમ્બીનેશનનો ભાગ છે. તે રમે છે કે નહીં તે તેની ફિટનેસ, જુસ્સો અને અલબત્ત, ફોર્મ પર આધાર રાખે છે. મને લાગે છે કે આ શ્રેણી તેના પ્રદર્શનનું મૂલ્યાંકન કરવા માટે ખૂબ જ મહત્વપૂર્ણ છે. આ શ્રેણીના અંતે, તે પોતે જ જાણશે કે તે કેવું અનુભવે છે, અને પછી તે તેના ભવિષ્ય વિશે નિર્ણય લેશે.શાસ્ત્રી આગળ કહ્યું કે ઓસ્ટ્રેલિયાના દ્રષ્ટિકોણથી, માર્ચમાં વનડે ક્રિકેટમાંથી નિવૃત્તિ લેનારા સ્ટીવ સ્મિથ માટે પણ આ જ વાત લાગુ પડે છે. તે ઉંમરે, તમારે રમતનો આનંદ માણવો પડશે, અને તે જ સમયે, તમારી પાસે હજુ પણ જુસ્સો હોવો જાઈએ. તેમણે કહ્યું, પરંતુ જ્યારે મોટી મેચોની વાત આવે છે, ત્યારે અનુભવનો કોઈ વિકલ્પ નથી. અમે ચેમ્પીયન ટ્રોફીમાં આ જાયું. જ્યારે મોટી મેચ આવે છે, ત્યારે મોટા ખેલાડીઓ આગળ આવે છે અને તમારા માટે મેચ જીતે છે.
