(એ.આર.એલ),મુંબઇ,તા.૧૭
રાહુલ ગાંધી પર વિવાદાસ્પદ નિવેદન આપનાર શિવસેનાના ધારાસભ્ય સંજય ગાયકવાડની મુસીબતો વધવા જઈ રહી છે. સંજય ગાયકવાડે રાહુલ ગાંધીની જીભ કાપનાર વ્યક્તને ૧૧ લાખ રૂપિયા આપવાનું વચન આપ્યું હતું, હવે તેની સામે નોંધવામાં આવી છે. શિંદે જૂથના ધારાસભ્ય સંજય ગાયકવાડ વિરુદ્ધ બુલઢાણા સિટી પોલીસ સ્ટેશનમાં ભારતીય ન્યાય સંહિતાની કલમ ૩૫૧(૨), ૩૫૧(૪), ૧૯૨ અને ૩૫૧(૩) હેઠળ કેસ નોંધવામાં આવ્યો છે. કોંગ્રેસના કાર્યકરોએ તેમની સામે કેસ દાખલ કર્યો છે.સંજય ગાયકવાડે કહ્યું હતું કે, કોંગ્રેસ નેતા રાહુલ ગાંધીએ જે પ્રકારનું નિવેદન આપ્યું છે તેનાથી કોંગ્રેસનો અસલી ચહેરો સામે આવ્યો છે. લોકસભાની ચૂંટણીમાં તેમણે જૂઠાણા ફેલાવીને મત લીધા હતા કે બંધારણ ખતરામાં છે, ભાજપ બંધારણ બદલશે અને આજે અમેરિકામાં તેમણે કહ્યું હતું કે બાબા સાહેબ ડા.ભીમરાવ આંબેડકરે અનામત આપી હતી, તેમણે કહ્યું હતું કે તેઓ બંધારણને ખતમ કરશે. અનામત..તેના મોઢામાંથી આવા શબ્દો નીકળ્યા છે…જે કોઈ તેની જીભ કાપશે તેને હું ૧૧ લાખ રૂપિયા આપીશ.મહારાષ્ટ બીજેપી ચીફ ચંદ્રશેખર બાવનકુલેએ કહ્યું કે તેઓ શિવસેનાના ધારાસભ્યની ટિપ્પણીને સમર્થન આપતા નથી. તેમણે ગાયકવાડની ટિપ્પણીઓથી બીજેપીને દૂર કર્યું અને કહ્યું, “હું ગાયકવાડની ટિપ્પણીઓને સમર્થન આપીશ નહીં.”
અહીં, કોંગ્રેસના મહારાષ્ટ એકમના પ્રવક્તા અતુલ લોંધેએ કહ્યું, “સંજય ગાયકવાડ સમાજ અને રાજકારણમાં રહેવા માટે યોગ્ય નથી. અમે જાવા માંગીએ છીએ કે શું મહારાષ્ટના ગૃહ પ્રધાન દેવેન્દ્ર ફડણવીસ ગાયકવાડ સામે દોષિત હત્યાના આરોપો દાખલ કરે છે કે નહીં, કોંગ્રેસના વિધાન પરિષદના સભ્ય ભાઈ જગતાપે કહ્યું, “હું આવા લોકો અને ટિપ્પણીઓની નિંદા કરું છું. આ લોકોએ રાજ્યની રાજનીતિને બરબાદ કરી દીધી છે.
