કેન્દ્રીય કાયદા મંત્રી અર્જુન રામ મેઘવાલે કહ્યું કે રાહુલ ગાંધીએ ચૂંટણી પ્રક્રિયા અંગેની તેમની ફરિયાદો ચૂંટણી પંચ સમક્ષ મુકવી જાઈએ. તેમણે કોંગ્રેસના સાંસદ અને તેમના પક્ષ પર તથ્યોને અવગણવાનો અને દેશની બંધારણીય સંસ્થાઓને બદનામ કરવાનો આરોપ લગાવ્યો. પીટીઆઈને આપેલા ઇન્ટરવ્યુમાં, મેઘવાલે કહ્યું કે સરકાર સતત વિપક્ષને સંસદને સુચારુ રીતે કાર્ય કરવા દેવા માટે વિનંતી કરી રહી છે પરંતુ કોંગ્રેસ અને લોકસભામાં તેના નેતા રાહુલ ગાંધીનો હેતુ સમજણની બહાર છે.
બિહારમાં મતદાર યાદીના સ્પેશિયલ ઇન્ટેન્સિવ રિવિઝન પર સંસદમાં ચર્ચા માટે રાહુલ ગાંધીની માંગ અંગેના પ્રશ્નના જવાબમાં, મેઘવાલે કહ્યું, “મને લાગે છે કે વિપક્ષે આ સંદર્ભમાં ભૂતપૂર્વ લોકસભા સ્પીકર બલરામ જાખડનું ઉદાહરણ જાવું જાઈએ.” જાખડે ચૂંટણી પંચના કાર્યપદ્ધતિ પર ગૃહમાં ચર્ચાની માંગને નકારી કાઢી હતી કારણ કે મતદાન પેનલને એક સ્વતંત્ર સંસ્થા માનવામાં આવે છે. “તે રેકોર્ડ પર છે, તેથી તે વધુ સારું રહેશે કે તેઓ તેની તપાસ કરે અને પછી તેના વિશે વાત કરે,
રાજ્યમાં અનુસૂચિત જનજાતિ માટે વિધાનસભા બેઠકો અનામત રાખવાના બિલ માટે ગોવા સરકાર દ્વારા ફરી એકવાર દબાણ કરવામાં આવી રહ્યું છે, મેઘવાલે કહ્યું, “ગોવામાં અનુસૂચિત જનજાતિની વસ્તી વધી છે, પરંતુ હાલમાં રાજ્ય વિધાનસભામાં આ સમુદાયનો એક પણ ધારાસભ્ય નથી. અમે જે બિલ લાવી રહ્યા છીએ તે અંતર્ગત વિધાનસભામાં અનુસૂચિત જનજાતિ શ્રેણી માટે બેઠકો વધશે.”
મંત્રીએ કહ્યું, “અમે અનુસૂચિત જનજાતિ સમુદાયના હિત વિશે વાત કરી રહ્યા છીએ, જેના માટે અમે બિલ લાવી રહ્યા છીએ. કોંગ્રેસ સહિત વિપક્ષ આ મુદ્દા પર ચર્ચા કરવા માંગતા નથી. તેમનો ઉદ્દેશ્ય
આભાર – નિહારીકા રવિયા સમજની બહાર છે.”
રાજ્યસભાના વેલમાં સીઆઇએસએફની તૈનાતી પર કોંગ્રેસ પ્રમુખ મલ્લીકાર્જુન ખડગે અને કેટલાક વિપક્ષી પક્ષોના નેતાઓ દ્વારા ઉઠાવવામાં આવેલા વાંધાઓ વિશે પૂછવામાં આવતા, સંસદીય બાબતોના રાજ્યમંત્રી મેઘવાલે કહ્યું કે લોકસભામાં એક ઘટના બની હતી, જ્યાં બે લોકો મુલાકાતીઓની ગેલેરીમાંથી કૂદી પડ્યા હતા. મેઘવાલે કહ્યું, “આ લોકસભાના અધ્યક્ષ અને રાજ્યસભાના અધ્યક્ષ દ્વારા લેવામાં આવેલ નિર્ણય હતો. સરકારને તેની સાથે શું લેવાદેવા છે? તેમણે આ અંગે અધ્યક્ષ સાથે વાત કરવી જાઈએ.” ડિસેમ્બર ૨૦૨૩ માં, લોકસભામાં શૂન્ય કલાક દરમિયાન સુરક્ષામાં મોટો ભંગ થયો હતો જ્યારે બે વ્યક્તિઓ વિઝિટર ગેલેરીમાંથી કૂદીને લોકસભા ચેમ્બરમાં પ્રવેશ્યા હતા. તેઓ હાથમાં પીળા ધુમાડા છોડતા ડબ્બા લઈને આવ્યા હતા.
જ્યારે દિલ્હીમાં તેમના સત્તાવાર નિવાસસ્થાનમાંથી મોટી માત્રામાં બિનહિસાબી રોકડ રકમની કથિત વસૂલાતના સંદર્ભમાં જસ્ટિસ યશવંત વર્માને દૂર કરવાની ચાલી રહેલી પ્રક્રિયાની સ્થિતિ વિશે પૂછવામાં આવ્યું ત્યારે કાયદા મંત્રીએ કહ્યું કે આ મામલો લોકસભા સ્પીકર પાસે પેન્ડિંગ છે.
