દિલ્હીની તિહાર જેલ.. કેદી નંબર ૧૭૮૪. હાલમાં, ખતરાના આતંકવાદી તહવ્વુર રાણા વિશે આ એકમાત્ર માહિતી ઉપલબ્ધ છે. મુંબઈ ૨૬/૧૧ હુમલામાં સંડોવણીના આરોપસર અમેરિકાથી ભારત લાવવામાં આવેલ તહવ્વુર રાણા હાલમાં તિહાર જેલમાં છે. ૧૬ વર્ષ પહેલાં અમેરિકામાં ધરપકડ બાદ એપ્રિલ ૨૦૨૫માં ભારત લાવવામાં આવેલા રાણાને હાલમાં સ્પેશિયલ NIA કોર્ટે ૬ જૂન સુધી ન્યાયિક કસ્ટડીમાં મોકલી આપ્યો છે. જેલમાં, તેમને ‘ઉચ્ચ જોખમ’ ધરાવતા કેદીઓ માટે એક અલગ વોર્ડમાં રાખવામાં આવ્યા છે. કેદી નંબર ૧૭૮૪ રાણાના દિનચર્યા અને માંગણીઓ અંગે ઘણી માહિતી પ્રકાશમાં આવી છે.
હકીકતમાં,એક અહેવાલ મુજબ, રાણાને તિહાર જેલના એક બ્લોકમાં રાખવામાં આવ્યો છે જ્યાં અન્ય વિસ્તારો કરતાં ઓછી ભીડ છે. અહીં કુલ સાત કેદીઓ છે, જેમાંથી છ કુખ્યાત ગુનેગારો અને ગુંડાઓ છે. પરંતુ દરેકને અલગ-અલગ સેલમાં રાખવામાં આવ્યા છે જેથી એકબીજા સાથે કોઈ સંપર્ક ન થાય. આ ખાસ વોર્ડ સંપૂર્ણપણે અલગ છે અને અન્ય કોઈપણ વોર્ડના કેદીઓ અહીં આવી શકતા નથી. અહેવાલમાં સૂત્રોના હવાલાથી કહેવામાં આવ્યું છે કે રાણા જેલમાં ફક્ત અંગ્રેજીમાં જ વાત કરે છે. તેમણે અત્યાર સુધીમાં જેલ પ્રશાસન પાસેથી બે વસ્તુઓ માંગી છે. પુસ્તકો અને પશ્ચિમી શૌચાલય. તેને છ ધાબળા આપવામાં આવ્યા છે, જેમાંથી ત્રણ પલંગ પર પાથરવાના છે. આ ઉપરાંત, એક પંખો પણ આપવામાં આવ્યો છે. પણ રાણાને ખોરાકમાં બહુ ઓછો રસ છે.
રાણાની સુરક્ષાને લઈને જેલ પ્રશાસન સતર્ક છે. તેમના સેલ પર હંમેશા સીસીટીવી કેમેરા દ્વારા નજર રાખવામાં આવે છે અને તેઓ ૨૪ટ૭ આત્મહત્યા પર નજર રાખે છે. ખાસ વાત એ છે કે તેના માટે અલગ રસોઈયા દ્વારા ભોજન તૈયાર કરવામાં આવી રહ્યું છે અને ભોજન પીરસતા પહેલા, જેલ સ્ટાફ તેનો સ્વાદ ચાખે છે અને તપાસે છે. નાસ્તામાં તેને ચા, બિસ્કીટ, બ્રેડ અને દાળ આપવામાં આવે છે, જ્યારે લંચ અને ડિનરમાં તેને દાળ, ભાત અને શાકભાજી આપવામાં આવે છે. પણ તે બહુ ઓછું ખાય છે. તેને બ્રેડ ઓછી ગમે છે.
તે જાણીતું છે કે તહવ્વુર રાણા ૨૬/૧૧ હુમલાના કાવતરાખોર ડેવિડ કોલમેન હેડલીની નજીક છે. બંને પાકિસ્તાનમાં શાળાના દિવસોથી સાથે હતા. તપાસ એજન્સીઓનો આરોપ છે કે રાણાએ હુમલાઓ માટે જરૂરી લોજિસ્ટીકલ સપોર્ટ પૂરો પાડ્યો હતો અને હેડલી દ્વારા હાથ ધરવામાં આવેલી રેકીમાં તેને મદદ કરી હતી.એનઆઇએએ તાજેતરમાં કોર્ટમાં તેમના અવાજ અને હસ્તાક્ષરના નમૂના પણ રજૂ કર્યા હતા. બાકીની તપાસ ચાલુ છે.
