મહા વિકાસ આઘાડીના ઘટક પક્ષોએ ઉદ્ધવ અને રાજ ઠાકરેના ભેગા થવાનું સ્વાગત કર્યું છે. કોંગ્રેસે પહેલાથી જ તેનું સ્વાગત કર્યું છે. હવે દેશના પૂર્વ કૃષિ મંત્રી અને એનસીપી વડા શરદ પવારે પણ તેનું સમર્થન કર્યું છે. પવારે સ્પષ્ટ શબ્દોમાં કહ્યું છે કે બંને ઠાકરે ભાઈઓ એક સાથે આવ્યા છે તે ખૂબ જ સારી વાત છે. તેમણે કહ્યું કે રાજ ઠાકરેની સભાઓમાં સારી ભીડ ભેગી થાય છે, પરંતુ તે ભીડ મતોમાં રૂપાંતરિત થતી નથી. બીજી તરફ, ઉદ્ધવ ઠાકરેની સભાઓમાં સારી ભીડ ભેગી થાય છે અને તે મતોમાં પણ રૂપાંતરિત થાય છે. તાજેતરની લોકસભા અને વિધાનસભા ચૂંટણીમાં પણ આ જાવા મળ્યું છે.
જ્યારે શરદ પવારને આગામી સ્થાનિક સ્વરાજ્યની ચૂંટણીઓ વિશે પૂછવામાં આવ્યું ત્યારે તેમણે કહ્યું કે મહાવિકાસ આઘાડીએ સાથે મળીને ચૂંટણી લડવી જાઈએ. તેમણે કહ્યું કે તેમને નથી લાગતું કે બેઠક વહેંચણી અંગે મહાવિકાસ આઘાડીમાં બધું બરાબર થશે. ચોક્કસપણે, આનાથી મહાયુતિને ફાયદો થશે. શરદ પવારની પાર્ટી એનસીપીના કાર્યકારી પ્રમુખ અને સાંસદ સુપ્રિયા સુલેએ પણ ઠાકરે પરિવારના ભેગા થવાનું સ્વાગત કર્યું છે.
સુલેએ કહ્યું કે હું આ નિર્ણયનું સ્વાગત કરું છું. તેઓ એક પરિવાર છે અને બાળાસાહેબના વિશાળ વારસાનો ભાગ છે. જા તેઓ ભેગા થઈને આ વારસાને આગળ લઈ જાય તો તે આપણા માટે ખુશીની ક્ષણ હશે. સુલેએ કહ્યું કે બાળાસાહેબ ઠાકરેએ શૂન્યથી શરૂઆત કરી હતી અને આટલી મોટી સેના બનાવી હતી. પોતાની મહેનત અને પોતાની ટીમના સમર્થનથી તેઓ શિવસેનાને આ સ્તરે લાવ્યા. બાળા ઠાકરેનો આ વારસો ઉદ્ધવ ઠાકરે અને રાજ ઠાકરેએ સંભાળ્યો હતો. જા બંને હવે ભેગા થાય છે, તો તે શિવસેનાને વધુ મજબૂત બનાવશે. એટલું જ નહીં,એનસીપી એસપી સાંસદે કહ્યું કે મહારાષ્ટ્રના હિત માટે કામ કરવા માંગતા બધા લોકો સાથે રહે તો સારું રહેશે.
