વડાપ્રધાન નરેન્દ્ર મોદીના આગમન નિમિત્તે હડતાળ ન કરવાની સરકારની વિનંતીને સરકારી કર્મચારીઓએ માન આપ્યું છે. તેની સામે સરકારે પણ ખાતરી આપી છે કે પીએમ મોદી ગુજરાત છોડશે પછી તરત જ તેમની તમામ માંગણીઓ પર વિચાર કરવામાં આવશે. આમ સરકારી કર્મચારીઓની હડતાળ ટળી છે. સરકાર આવતા અઠવાડિયે ફરી બેઠક કરશે.
માટે ૧૭ સપ્ટેમ્બરના રોજ હડતાળ પર જવાના હતા અને છ ઓક્ટોબરથી ૨૭ ઓક્ટોબર સુધી ઝોન મુજબ હડતાળના કાર્યક્રમો યોજવાના હતા. પડતર પ્રશ્નો વચ્ચે કર્મચારીઓએ ફરી જૂની પેન્શન યોજનાનો મુદ્દો ઉઠાવ્યો છે.
ઉલ્લેખનીય છે કે વડાપ્રધાન મોદીનો ૧૭મી સપ્ટેમ્બરે જન્મદિવસ છે અને તેઓ ગુજરાત પ્રવાસે છે. ગુજરાત રાજ્ય કર્મચારી મહાસંઘ દ્વારા આંદોલનના કાર્યક્રમો નક્કી કરવામાં આવ્યા હતા. ૧૭મી સપ્ટેમ્બરે સમગ્ર રાજ્યમાં પેનડાઉન અને શટડાઉન દ્વારા કર્મચારીઓ દ્વારા કામનો બહિષ્કાર કરવામાં આવ્યો હોવાની ચર્ચા હતી જ્યારે ઓક્ટોબરમાં ગાંધીનગરની સત્યાગ્રહ છાવણીમાં ચાર ઝોનના કર્મચારીઓ આવ્યા હોવાની ચર્ચા હતી.
જૂની પેન્શન યોજના કર્મચારીઓની માંગ છે. ૨૪ હજાર શિક્ષકો અને અન્ય કર્મચારીઓ સહિત કુલ ૬૦ હજારથી વધુ સરકારી કર્મચારીઓ જૂની પેન્શન યોજનાની માંગ કરી રહ્યા છે. સરકારે તેમને ૨૦૨૨માં જૂની પેન્શન યોજનામાં સામેલ કરવાની ખાતરી આપી હતી અને એક પ્રેસ નોટ પણ બહાર પાડી હતી. બે વર્ષ પછી પણ તેનો અમલ થયો નથી.
મુખ્ય મુદ્દાઓમાં સરકાર દ્વારા જૂની પેન્શન યોજનામાં ફિક્સ પગાર અંગે સુપ્રીમ કોર્ટમાં દાખલ કરાયેલી અરજી પાછી ખેંચવી, સાતમા પગાર પંચના બાકી રહેલા લાભો આપવા, ગ્રેડ પેમાં રહેલી વિસંગતતા દૂર કરવી, ઉચ્ચ પગારમાં વિસંગતતા દૂર કરવી વગેરેનો સમાવેશ થાય છે. વારસદારોને ઉત્તરાધિકાર આપવો. જેમાં ૫૦ વર્ષ પછી કર્મચારીઓને ખાતાકીય પરીક્ષામાંથી મુક્તિ, આઉટસો‹સગ બંધ કરવાની તેમજ સેવા દરમિયાન મૃત્યુના કિસ્સામાં રાહત દરે જમીન પ્લોટનો સમાવેશ થાય છે.
૨૦૨૨ નો ઉલ્લેખ કરતા તેઓ કહે છે કે અમારી માંગ એ પણ છે કે એગ્રીમેન્ટ હેઠળ નોટિફિકેશન બહાર પાડવામાં આવે અને ઓપ્શન ફોર્મ ભરવામાં આવે. તત્કાલિન પ્રવક્તા મંત્રીઓ જીતુ વાઘાણી, હર્ષ સંઘવી, જગદીશ વિશ્વકર્મા, કનુ દેસાઈ, બ્રિજેશ મેરજા સાથેની વ્યાપક બેઠક બાદ જ આ નિર્ણય લેવામાં આવ્યો હતો. દેશભરના તમામ રાજ્યો અને કેન્દ્રોએ ૨૦૦૫ પહેલા કર્મચારીઓને જૂની પેન્શન યોજનાનો લાભ આપ્યો છે, પરંતુ ગુજરાત એકમાત્ર રાજ્ય છે જેણે આ લાભ આપ્યો નથી.
