રાજુલામાં રહેતા એક યુવકે ગાળો બોલવાની ના પાડતા જાનથી મારી નાખવાની ધમકી આપવામાં આવી હતી. ઉપરાંત શર્ટના ખિસ્સામાં હાથ નાખી પૈસા લૂંટવાની કોશિશ કરી હતી. બનાવ અંગે દિવ્યેશભાઈ પ્રવીણભાઈ પરમાર (ઉ.વ.૧૯)એ કડીયાળી ગામના સામતભાઈ બાવભાઈ ખુમાણ સામે નોંધાવેલી ફરિયાદ પ્રમાણે, આરોપી વિરૂધ્ધમાં અગાઉ લૂંટનો કેસ થયો હતો.આ કેસમાં સાહેદ વકીલ તરીકે રોકાયેલા હતા. કેસ કોર્ટમાં ચાલી જતા સમાધાન થઇ ગયું હતું. જેથી આરોપી આ લૂંટની રકમ બાબતે વાતચીત કરવા સાહેદના ઘર આગળ આવી જોર જોરથી ગાળો બોલવા લાગ્યા હતા. તેમણે આરોપીને ગાળો બોલવાની ના પાડતા નામ લઇ બન્નેને જેમ ફાવે તેમ ગાળો આપી જાનથી મારી નાખવાની ધમકી આપી હતી. ઉપરાંત શર્ટના ખિસ્સામાં હાથ નાખી પૈસાની લૂંટ કરવાની કોશિશ કરી હતી. રાજુલા પોલીસ સ્ટેશનના પીએસઆઈ એમ.એફ. ચૌહાણ વધુ તપાસ કરી રહ્યા છે.
