રાજુલા શ્રીમતી એચ.બી. સંઘવી મહિલા આટ્ર્સ અને કોમર્સ કોલેજમાં હિન્દી દિવસની શાનદાર ઉજવણી કરવામાં આવી હતી. આ અવસર પર નિબંધ લેખન અને વક્તૃત્વ સ્પર્ધાનું આયોજન કરવામાં આવ્યું હતું, જેમાં મોટી સંખ્યામાં વિદ્યાર્થિનીઓએ ઉત્સાહપૂર્વક ભાગ લીધો હતો. વકતૃત્વ સ્પર્ધામાં પ્રથમ ક્રમાંકે વાગડિયા રિદ્ધિબેન, દ્વિતીય ક્રમાંકે ઝીંઝાળા કોમલબેન અને
તૃતીય ક્રમાંકે ગેરિયા વૈભવીબેન વિજેતા બન્યા હતા. નિબંધ લેખન સ્પર્ધામાં પ્રથમ ક્રમાંકે શિયાળ કિંજલબેન, દ્વિતીય ક્રમાંકે વાગડીયા રિદ્ધિબેન તથા તૃતીય ક્રમાંકે મકવાણા દિવ્યાબેન અને ત્રિવેદી ઊર્મિબેન વિજેતા બન્યા હતા. વિજેતાઓને સંસ્થાના પદાધિકારીઓ દ્વારા અભિનંદન પાઠવવામાં આવ્યા હતા.કાર્યક્રમમાં હિન્દી ભાષાના મહત્વ, રાષ્ટ્ર ભાષા અને રાજભાષા તરીકેના તેના દરજ્જા વિશે પણ વાત કરવામાં આવી હતી. આ સમગ્ર કાર્યક્રમને સફળ બનાવવા માટે એનએસએસ પ્રોગ્રામ ઓફિસર અને સાંસ્કૃતિક સમિતિના વડા જાગૃતિબેન તેરૈયા તથા એનએસએસ પ્રોગ્રામ ઓફિસર ભગવતીબેન વડીયાએ સખત મહેનત કરી હતી.
