(એ.આર.એલ),નવીદિલ્હી,તા.૧૧
વડા પ્રધાન નરેન્દ્ર મોદીએ સોમવારે નમો એપ દ્વારા ઝારખંડના ભાજપના કાર્યકરો સાથે સીધો સંવાદ કર્યો. આ દરમિયાન તેમણે કોંગ્રેસને અનામત વિરોધી ગણાવી હતી. પીએમએ કહ્યું કે એક સમય એવો હતો જ્યારે સમગ્ર દેશમાં પંચાયતથી લઈને સંસદ સુધી માત્ર કોંગ્રેસ જ હતી. જ્યાં સુધી કોંગ્રેસ સત્તામાં હતી ત્યાં સુધી દેશમાં અનામતની વાત કરવાની હિંમત નહોતી. કોંગ્રેસ આવા અવાજાને કચડી નાખતી હતી, કારણ કે નેહરુજીથી લઈને રાજીવ ગાંધી સુધી રાજ પરિવારના તમામ લોકો અનામતના કટ્ટર વિરોધી રહ્યા છે.
પીએમએ કહ્યું કે ધીમે ધીમે લોકો બાબાસાહેબ આંબેડકરના શબ્દો સમજવા લાગ્યા અને જ્યારે એસસી એસટી ઓબીસી સમુદાયો એક થયા, ત્યારથી લઈને આજ સુધી કોંગ્રેસ કેન્દ્રમાં પૂર્ણ બહુમતી સાથે સરકાર બનાવી શકી નથી. આજે દેશના ઘણા રાજ્યોમાં કોંગ્રેસની સરકાર ચાલી રહી છે, તેથી કોંગ્રેસના રાજવી પરિવાર નારાજ છે અને એસસી-એસટીની સામૂહિક શક્તિ તોડવાનું નક્કી કર્યું છે. છેલ્લા કેટલાક સમયથી આ તેમનો એજન્ડા છે.
વડાપ્રધાન નરેન્દ્ર મોદીએ કોંગ્રેસની એક જૂની જાહેરાતનો ઉલ્લેખ કર્યો. તેમણે કહ્યું, ‘આજે લોકોએ મને સોશિયલ મીડિયા પર કોંગ્રેસની જૂની જાહેરાત મોકલી છે. મને આશ્ચર્ય થાય છે કે કેવા પ્રકારની જાહેરાતો છપાઈ હતી. આ જાહેરાત તે સમયની છે જ્યારે રાજીવ ગાંધી કોંગ્રેસના નેતા હતા. તે જાહેરાતમાં એસસી-એસટી, ઓબીસીને ખરાબ રીતે દર્શાવવામાં આવ્યા છે અને સ્પષ્ટપણે જણાવવામાં આવ્યું છે કે તેનાથી દેશને કેટલું નુકસાન થશે.
ભાજપના કાર્યકર્તાઓ સાથે વાત કરતા તેમણે કહ્યું કે પહેલા અમીરોના ઘરમાં ગેસ સિલિન્ડર હતા, ગરીબો ગેસ સિલિન્ડર વિશે વિચારી પણ શકતા નથી કારણ કે તેમની (કોંગ્રેસ)ની પ્રકૃતિ અમીરોને પુરી પાડવાની હતી. ભાજપે ‘ઉજ્જવલા યોજના’ દ્વારા બહેનોના ઘરે ગેસ સિલિન્ડર પહોંચાડ્યા. ઝારખંડે આ વખતે પરિવર્તન લાવવાનો સંકલ્પ લીધો છે, તેનું સૌથી મોટું કારણ એ છે કે જેએમએમ, કોંગ્રેસ અને આરજેડીએ ઝારખંડની રોટી, દીકરી અને માટી પર હુમલો કર્યો છે. તેમણે છેલ્લા પાંચ વર્ષમાં મોટી-મોટી વાતો કરી, પરંતુ આજે ઝારખંડના લોકો જાઈ રહ્યા છે કે તેમના મોટાભાગના વચનો ખોટા છે.
તેમણે કહ્યું કે, ‘કોંગ્રેસ જ્યાં પણ સત્તામાં છે, તેણે ત્યાંની જનતા સાથે આ રીતે છેતરપિંડી કરી છે. તમે સાંભળ્યું હશે કે કોંગ્રેસના રાષ્ટ્રીય અધ્યક્ષ ખરગેતો પોતે કહે છે કે તેમની પાર્ટીએ ખોટી ગેરંટી આપી છે. તેમણે કહ્યું કે બને તેટલી ગેરંટી આપો પરિવાર આધારિત પાર્ટીઓ માત્ર ભ્રષ્ટ નથી પણ સમાજના પ્રતિભાશાળી યુવાનોના માર્ગમાં સૌથી મોટી અડચણ છે. જેએમએમના પરિવારજનોએ કોંગ્રેસના રાજવી પરિવાર પાસેથી આવી ગંદી વાતો શીખી છે, જેમાં તેમને માત્ર બે જ બાબતોની ચિંતા છે – ખુરશી અને તિજારી, તેમને નાગરિકોની કોઈ પરવા નથી.
