રાજસ્થાનમાં આકરો શિયાળો છે. માઉન્ટ આબુ અને અરવલીમાં તાપમાન ફ્રીઝિંગ પોઈન્ટથી નીચે છે. મળતી માહિતી મુજબ માઉન્ટ આબુના તાપમાનમાં બે ડિગ્રીનો સુધારો થયો છે પરંતુ હજુ પણ તાપમાન શૂન્યથી ત્રણ ડિગ્રી નીચે છે. તે જ સમયે, અરવલ્લીના સૌથી ઊંચા શિખર ગુરુ શિખર ખાતે તાપમાન માઈનસ ૫ ડિગ્રી સેÂલ્સયસ નોંધાયું હતું.
માઉન્ટ આબુમાં ઘણી જગ્યાએ જમીન પર બરફ જમા થયો છે. હિમવર્ષાનો આનંદ લેવા માટે પ્રવાસીઓ માઉન્ટ આબુ પહોંચી રહ્યા છે. માઉન્ટ આબુના પ્રસિદ્ધ ચાચા ઇન રિટ્રીટમાં મોટી સંખ્યામાં પ્રવાસીઓ આવ્યા છે અને હિમવર્ષાની મજા માણી રહ્યા છે.
તમને જણાવી દઈએ કે ડિસેમ્બરના અંતમાં માઉન્ટ આબુનું એક અલગ જ આકર્ષણ છે. હિમવર્ષાનો અનુભવ કરવા માટે ગુજરાત અને અન્ય રાજ્યોમાંથી મોટી સંખ્યામાં પ્રવાસીઓ આવે છે. શનિવારે સવારે માઉન્ટ આબુમાં બરફની ચાદર છવાઈ ગઈ હતી અને વાહનો બરફથી ઢંકાઈ ગયા હતા.
મળતી માહિતી મુજબ, રાજસ્થાનમાં શનિવારે કડકડતી ઠંડી ચાલુ રહી હતી અને ફતેહપુરમાં પારો શૂન્યથી નીચે પહોંચી ગયો હતો. હવામાન કેન્દ્ર, જયપુરના જણાવ્યા અનુસાર, છેલ્લા ૨૪ કલાકમાં રાજ્યમાં એક-બે સ્થળોએ અતિશય શીત લહેર અને શીત લહેર નોંધવામાં આવી હતી. ફતેહપુરમાં ગુરુવારે રાત્રે લઘુત્તમ તાપમાન માઈનસ ૦.૧ ડિગ્રી સેલ્સિયસ નોંધાયું હતું.
આ સિવાય ચુરુમાં ૩.૧ ડિગ્રી, કરૌલીમાં ૩.૬ ડિગ્રી, પિલાનીમાં ૪.૦ ડિગ્રી, સંગરિયામાં ૪.૩ ડિગ્રી, સીકર અને સિરોહીમાં ૫.૦ ડિગ્રી, અલવરમાં ૫.૮ ડિગ્રી, ગંગાનગરમાં ૬.૪ ડિગ્રી અને બિકાનેરમાં ૬.૬ ડિગ્રી તાપમાન નોંધાયું હતું. લગભગ સમગ્ર રાજસ્થાનમાં લઘુત્તમ તાપમાનમાં ૧૦ ડિગ્રી સેલ્સિયસ સુધીનો ઘટાડો જાવા મળ્યો હતો.
હવામાન કેન્દ્રના જણાવ્યા અનુસાર આગામી દિવસોમાં રાજ્યમાં હવામાન મુખ્યત્વે સૂકું રહેવાની શક્યતા છે. આગામી બે-ત્રણ દિવસમાં રાજ્યના ઉત્તરીય ભાગો અને શેખાવતી વિસ્તારમાં કેટલાક સ્થળોએ શીત લહેર અને લઘુત્તમ તાપમાન બે થી છ ડિગ્રી સેÂલ્સયસ સુધી પહોંચવાની ધારણા છે.
