ચૂંટણી પ્રચાર સમાપ્ત થવાના થોડા કલાકો બાકી હતાં ત્યારે રાજકીય પક્ષો મતદારોને ખુશ કરવા માટે મરણિયા પ્રયાસો કર્યા હતાં આ દરમિયાન રાજકોટમાં શિસ્તબદ્ધ ગણાતી ભાજપ પાર્ટી દ્વારા આયોજિત બાઇક રેલી દરમિયાન ટ્રાફિક નિયમોનું ઉલ્લંઘન કરવામાં આવ્યું હતું. એવું બહાર આવ્યું છે કે ટુ-વ્હીલર સવારોમાંથી કોઈએ હેલ્મેટ પહેર્યું ન હતું.
આજે, પ્રચારના છેલ્લા દિવસે, રાજકોટમાં ભાજપની બાઇક રેલી યોજાઈ હતી. શહેરના વોર્ડ નંબર ૩ માં ભાજપના ઉમેદવારોએ પ્રચાર કર્યો હતો. ઈશ્વરી ગામમાંથી એક રેલીનું આયોજન કરવામાં આવ્યું હતું. આ રેલી શહેરના વિવિધ વિસ્તારોમાંથી પસાર થઈ અને જનતા સુધી પહોંચી. ભાજપના કાર્યકરો અને નેતાઓ ચૂંટણી પ્રચારમાં એટલા મગ્ન હતા કે તેઓ અન્ય કંઈપણથી અજાણ હતા. રેલીમાં, ટુ-વ્હીલર ચલાવતા દરેક વ્યક્તિ હેલ્મેટ વગર જાવા મળ્યા. ભાજપના કાર્યકરો અને નેતાઓએ ટ્રાફિક નિયમોનું ખુલ્લેઆમ ઉલ્લંઘન કર્યું.
જ્યારે કોઈ વ્યક્તિ હેલ્મેટ વગર નીકળે છે અને સિગ્નલ પર રોકાય છે, ત્યારે તેમને સીસીટીવી કેમેરા દ્વારા ઈ-મેમો મોકલવામાં આવે છે. વધુમાં, ટ્રાફિક નિયંત્રણ માટે ચોકડીઓ પર તૈનાત પોલીસ કર્મચારીઓ પણ વાહનચાલકોને રોકે છે અને ટ્રાફિક ઉલ્લંઘન માટે મેમો જારી કરે છે. જાકે, રાજકોટમાં ભાજપની રેલીમાં, ટુ-વ્હીલર ચલાવતા એક પણ વ્યક્તિએ હેલ્મેટ પહેર્યું ન હતું. હવે, પ્રશ્ન એ ઊભો થાય છે કે શું શહેરમાં લગાવવામાં આવેલા સીસીટીવી કેમેરા દ્વારા મેમો જારી કરતી સિસ્ટમ આ લોકો સામે કોઈ કાર્યવાહી કરશે? રેલીમાં ટ્રાફિક નિયમોનું ઉલ્લંઘન કરનારાઓ સામે લોકોમાં ભારે રોષ છે.
આજે સાંજે ૬ વાગ્યાથી ઉમેદવારો અને રાજકીય પક્ષોએ તેમના જાહેર પ્રચાર શાંત થયા છે. મતદાન પહેલાં જ આ ચૂંટણીમાં ૭૩૧ ઉમેદવારોને બિનહરીફ જાહેર કરવામાં આવ્યા છે.રવિવારે, ૯,૨૭૪ બેઠકો માટે ૨૫,૫૫૧ ઉમેદવારો વચ્ચે ચૂંટણી લડાશે.
